JOSUA 7:7 - Pathien Lekhabu Inthieng (BSI)

⁷ Josua chun, “E khai, iengdinga, Aw Lalpa PATHIEN, keini mipuihai hi sukbohmanga um dinga Amor mihai kuta pêk dinga Jordan vadung hi mi ṭhuoi kai am i na? Jordan vadung râla khan lungawitaka um ṭawk ṭawk ta lem ding kha aw.

JOSUA 7:7 Iomraidhean Croise

2 LALHAI 3:10

Chun, Israel lal chun, “E hei, Lalpa chun hi lal pathumhai hi Moab mihai kuta pêk dingin a ko khâwm a ni ngei el,” a ta.

INPÂKNA HLABU 116:11

Ka hamhaiin, “Mi po po khêl an nih,” ka lo ti ta a.

FESUOKNA 16:3

Israel mihai chun an kuomah, “Aigupta rama sa bêlhai leh kan ṭhung a, bei kan dittâwka fa zing khan Lalpa kuta chun thi el inlang ni ding bah: hieng mipui po po hi phîngṭâma thi ding elin thlalêrah in mi ṭhuoi lût a ni ta hi,” an ti a.

FESUOKNA 17:3

Mipui hlak chu tui duin an dang a châr hle a, Mosie chunga chun an chier a, “Aiguptaa inthawk keini le kan nauhai le kan ran ruol leh dangchâra mi sukhlum dingin iengdinga i mi ṭhuoi suok am a na?” an ti a.

NAMBAR 14:16

‘Lalpa chun hieng mipuihai hi ṭawng inkhâma a tiem rama chun a ṭhuoi thei naw leiin thlalêrah a sukhlum a nih,’ tiin hril rawi an tih.

NAMBAR 14:3

Ieng dinga kâwlhnâma thi el dinga Pathienin hi rama hi mi ṭhuoi am a ni aw? Ei nuhmei ei nau le tehai hlak chu man el ding an ni âwm si a. Aigupta rama kîr nâwk el hi eini ta dingin a ṭha lem a ni naw am a nih?” an ta.

MATTHAI 17:17

Chun, Isûn, “Ruolthar ringna nei loa kawmawhai, ieng chen am in kuomah um ka ta, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

HEBRAIHAI 12:5

infuina thu, nauhai kâwk anga kâwkna cheu kha in lo theinghil tah a ni maw? “Ka nau, Lalpa thununna chu ngainêp naw la, A kâwka i umin inthlada bawk naw rawh;

JOSUA 7:6

Josua chun a puonhai a keithlêr a, ama le Israel upahai chu Lalpa bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

JOSUA 7:8

Aw Lalpa, hienga hmêlmahai hnawta Israelhai an tlânse el hi ieng tin am ka thaw ding a ni ta leh?

RORELTUHAI 20:23

(Chun, Israel thlahai chu an hang fe a, Pathien hmaah zântieng chenin an hang ṭap a, “Kan unau Benjamin mihai hi do dingin kan hang inthawk nâwk ding am a nih?” tiin Lalpa an indawn a. Lalpa chun, “Hang thaw nâwk ro,” a ti a).

1 SAMUEL 4:3

Chun, mipuihai chu an riekhmuna an fe chun Israel upahai chun, “Ieng leia vawisûn hin Philistin mihai hmaa Lalpain a mi suktlâwm am a nih aw? Ei kuoma um a, ei hmêlmahai kuta inthawka mi sandam dingin Siloa inthawkin Lalpa thuthlungna bâwm kha hang lâng ei tiu,” an ta.