JOSUA 7:26 - Pathien Lekhabu Inthieng (BSI)

²⁶ A chunga chun lung an intieng vûm thûr a, tu chen hin a la um a; chun, Lalpa lunginsenna nasatak chu a re ta a; chuongchun, chu hmun hminga chun tu chen hin Akor ruom an la ti zing a.

JOSUA 7:26 Iomraidhean Croise

2 SAMUEL 18:17

Chun, Absalom ruong chu an lâk a, rampui hnuoia khursûng inthûktaka chun an peilût a, a chunga chun nasatakin lung an dêng khâwm a, chun, Israel mihai po po chu mâni puon in sengah an tlân ta a.

2 SAMUEL 21:14

Chun, Saula ru le a naupa Jonathan ruhai chu Benjamin rama Zela khuoa a pa Kis thlânah an phûm a, chun, lal thupêk ang pei chun an thaw a. Chun, chu hnunga chun chu ram chunga chun Pathien a lungâwi ta a.

2 CHANCHIN SUINA 29:10

Tuhin, einia inthawka a lunginsenna ṭiumtak chu lâk hmang a ni theina dingin Israel Pathien Lalpa le chun thuthlung siem ka lungril a nih.

EZRA 10:14

Kan mi ṭhahai hi mipui aiaw dingin thlang ni hai sienla, hi thil hi sukfel a ni hmakhat, kan chunga Pathien lunginsenna ṭiumtak chu hlîpthlâk a ni hmakhat chun, kan khuohaia hmêlmak nuhmei neituhai chu, khaw tina upahai le rorêltuhai leh hun ruotahai chun hung lem raw hai se,” an ta.

INPÂKNA HLABU 85:4

Aw, a mi sandamtu Pathien, mîn nghatkîrtir la, Kan chungah i lunginsenna chu sukbo rawh.

FESUOKNA 32:12

Iengdingin am Aigupta mihai chun, ‘Hnuoi chunga anni sukbohmang vawng ding le tlânghaia chun anni sukhlum dingin thiltum ṭhanawtakin anni a ṭhuoi suok a,’ ti el an ti leh? I lunginsenna ṭiumtaka inthawk chun inher la, i mihai chunga hi thil ṭhanaw hi lakîr rawh.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 65:10

Ka mi, a mi zawngtuhai ta ding chun, Saron chu berâm ruolhai huon nîng a ta, Akor ruom chu bâwng ruolhai bawkna hmun ding nîng a tih.

ṬAP HLA 3:53

A hringin khurah an mi peilût a, lung an mi hung thlâk khum a.

HOSEA 2:15

Chu chena inthawk chun a grêp huonhai chu pêng ka ta, Akor ruom khawm beiseina kawtkhâr dingin. Chutaka chun a tleirâwl lai nihai le, Aigupta rama inthawka a hung suok ni ang khan dawn a tih.

HOSEA 2:17

A baua inthawkin Baal hminghai hi ka lâkhmangpêk ding a ni si a; an hming hi sâm ni ta hrim hrim naw nih.

JOEL 2:13

in puon ni lovin, in lungril thlêr ro,” a tih. Lalpa in Pathien tieng chu ngha ro: ama chu lunginsiet theitak le lainatnaa sip, lunginuoi le zainêmnaa sip, hremnaa inthawka inlêt hlak a nih.

JOEL 2:18

Lalpa chun a ram chu a thîk a, a mihai chu a lunginsiet a.

JONA 1:15

Chuongchun, Jona chu an pawm kâng a, tuipuia chun an the lût ta a; chun, tuipui infâwn so bur bur chu a re ta a.

ZEKARIA 6:8

Chun, ka kuomah a hung khêk a, “Ngai ta, hmâr tieng rama fehai khan hmâr tieng rama chun ka lungril chu an suksâwldam tah,” a ta.

NAMBAR 25:8

Chun, Israel mi chu puon in sûnga chun a hnawt lût a. Israel mi leh an pahni chun a sun thleng a, nuhmei chu a phîngah.

DÂN PAHNINA 13:17

Râllâk sum chu a ieng ieng khawm in tâwk ding a ni nawh, Lalpa chun a lungsenna nasatak chu inlêt a ta, zângaina inhmutir a ti cheu a, lunginsiet a ti cheu a, a sukpung ding cheu a nih; in pi le puhai kuoma ṭawng a lo inkhâm ta ang khan;

DÂN PAHNINA 13:18

Lalpa in Pathien mithmua thilṭha thaw dinga thupêk po po tuta ka pêk cheu hi in zâwm phawt chun.

JOSUA 10:27

Nisa tlâka chun Josua chun thu a pêk a, thing lêra inthawk chun an lâk thlâk a, an inbîkna pûka khan an peilût a, pûk kawtkhâr chu lung lientak takin an sîn a, tu chen khawm hin a la um zing.

JOSUA 7:24

Chun, Josua le Israelhai po po chun, Zera naupa Akan chu tangka dâm, puon dâm, rângkachak tlang dâm, a naupahai dâm, a naunuhai dâm, a bâwngchalhai dâm, a sabengtunghai dâm, a berâmhai le a puon in dâm le a neihai po po le chun an ṭhuoi a, Akor ruomah an hang fepui a.

JOSUA 8:29

Chun, Ai khuo lal chu zântieng chenin thinglêrah a khai a; nisa tlâka chun Josuain thu a pêk a; chuongchun, a ruong chu thinglêra inthawk chun an lâk thlâk a, khawpui dâi kawtkhâr lûtnaah an pei a, a chungah lung an dêng vûm thûr a, chu chu tu chen hin a la um.