JOSUA 7:25 - Pathien Lekhabu Inthieng (BSI)

²⁵ Chun, Josua chun, “Iengdinga i mi suklungzîng am a na? Lalpa chun nang khawm vawisûn hin a suklungzîng ve ding che a ni hi,” a ta. Chuongchun, Israelhai po po chun ama chu lungin an dêng a; chun, ama chu meiin an raw a, lungin an dêng bawk a.

JOSUA 7:25 Iomraidhean Croise

INṬANNA 34:30

Chun, Jakobin Simeon le Levi kuoma chun, “Nangnîn hi rama um Kanaan mihai le Periz mihai laia hin, theida in mîn phurtirin in mi suklungzîng hle a nih; kei tlâwmte ka ni leiin mi thaw dingin hung inpun khâwm an ta, mi that el an tih; chuongchun, sukbohmangin um ka tih, kei le ka sûnghai le hin,” a ti a.

INṬANNA 38:24

Thla thum vêl amani hnunga chun Juda chu, “I monu Tamar chun tlangvâl a dit a, chunawa khawm, ngai ta, sâwn a pai nghe nghe annaw,” tia hril a ni a. Juda chun, “Ṭhuoi suok unla, raw hlumin um raw se,” a ti a.

1 CHANCHIN SUINA 2:7

Chun, Karmi naupasal hai chu Achar, thil sera bawse a, Israelhai laia buoina siemtu chu a nih.

THUVARHAI 1:19

Hlêpnaa duâm mi taphawthai lampui chu chuong ang chu a nih; A neituhai hringna chu a lâk hmang hlak.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

LEVI DÂN 20:14

Mîn nufa faa nuhmeia a nei chun rîtlona nasatak a na, anni laia rîtlona a um nawna dingin, ama le anni pahni chu râw hlum ding an nih.

LEVI DÂN 20:2

“Israel mipuihai kuoma chun, ‘Tukhawm Israel thlahai laia mi amanih, Israel rama khawsa, ram dang mi amanih, mâni rîla rahai a tukhawm Molek kuoma pe taphawt chu sukhlum ngei ding a na, hi rama mihai hin lungin an dêng ding a nih.

LEVI DÂN 21:9

Thiempu naunuhmei tukhawm nawchizawra ân sukpawrche chun, a pa a sukpawrche a na, ama chu raw ding a nih.

LEVI DÂN 24:14

“Ṭawngsiea inkhâmtu chu riebûk puoah ṭhuoi unla, a hretuhai po po chun a luah an kut innghat hai sienla, mi po po chun lungin dêng raw hai se.

GALATI 5:12

A sukbuoitu cheu chu intan thla law law sien ka nuom a nih.

DÂN PAHNINA 13:10

Lungin in dêng hlum ding a nih; Aigupta rama inthawka suoka inthawka ṭhuoi suoktu cheu Lalpa in Pathien kuoma inthawk a sukpêtna cheu a zawng leiin.

DÂN PAHNINA 13:11

Chuongchun, Israel mi po po chun hrieng an ta, ṭîng an ta, nangni lai chuonga rîtlo hrim hrim chu chîng ta naw ni hai.

DÂN PAHNINA 17:5

chu thil suol thawtu, pasal amanih, nuhmei amani ngei chu ṭhuoi suok in ta, lungin in dêng hlum ding a nih.

DÂN PAHNINA 21:21

Chuongchun, khuoa mi po po chun lungin an dênghlum ding a nih; chuong ang chun nangni laia inthawk chun thil ṭha naw chu in sukbo ding a nih; chun, Israel mi po po chun hrieng an ta, ṭîng an tih.

2 THESSALONIKA 1:6

Chuongchun, hi hi Pathien ta dingin thil feltak a nih: a sukrinumtuhai cheu chu rinumnaa thung le;

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

JOSUA 6:18

Nangni ruokchu suksiet dinga thil pumpêka inthawk chun insiekieng hlau ro, chuong naw chun, suksiet dinga thil pumpêk laia mi ieng khawm lo lain, Israelhai riebûk hi suksiet dingah siem in ta, lunginzîngna intlun hlau rawi in tih.

JOSUA 7:15

Chun, tukhawm thil pumpêk lo la ta chu ama le a thil nei po po leh meia raw vawng ding a nih; Lalpa thuthlung a bawsiet lei le, Israelhai lai thil suol invêtthlâktak a thaw leiin,’ ti rawh” a ta.

1 SAMUEL 14:29

Chuongchun, Jonathan chun, “Ka pa hin mihai a suklunginzing el a ni hi maw, en ta unla, khuoizu tlâwmte ka hang intem lei chauin ka mit meng a fie tâkzie hi.