JOSUA 7:2 - Pathien Lekhabu Inthieng (BSI)

² Chun, Josua chun Jeriko khuoa inthawk chun Bethel saktieng, Beth-Aven dep Ai khuoa chun mihai a tir a, an kuomah, “Hang fe unla, ram hang enthla ta u,” tiin a hril a. Mihai chu an hang fe a, Ai khuo chu an hang enthlâk ta a.

JOSUA 7:2 Iomraidhean Croise

INṬANNA 12:8

Chutaka inthawk chun Bethel saktienga tlânga chun ân tâwl a, chutaka chun puon in a zar a, a thlangtieng chun Bethel chu a um a, a sak tieng chun Ai khuo a um a; chutaka chun Lalpa ta dingin mâichâm a siem nâwk a, Lalpa hming chu a lam a.

INṬANNA 28:19

Chu hmun hminga chun Bethel ân bûk a, a khaw hming hmasa chu Luz a nih.

1 LALHAI 12:29

Chun, pakhat chu Bethelah a sie a, pakhat chu Danah a sie bawk a.

NEHEMIA 11:31

Chun, Benjamin mihai chu Geba khêl tieng, Mikmas-a dâm, Aija-a dâm, Bethel le a khawperahai dâm:

THUVARHAI 20:18

Thiltum tinrêng chu thurâwna tungding a na, Ṭhuoina var leh indona chu siem rawh.

THUVARHAI 24:6

Ṭhuoina var hmangin indona chu i siem ding a ni si a, Chun, thurâwn petuhai tamnaa chun himna a um a nih.

ISAI 10:28

Aiath khuo a tlung tah, Migron khuo a fe thleng tah; Mikmas khuoa chun a thuomhnaw a sie tah:

JEREMIA 49:3

Aw Hesbon ṭap inrûm rawh, Ai chu suksiet a ni ta si a; nangni Rabba naunuhai, khêk unla, saiip puon inbel unla, ṭap unla, a daihai laia chun hnungtieng hmatieng tlân inlawn ro; Milkom chu a thiempuhai leh a rorêltuhai leh sala intâng dingin a fe ding a ni si a.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “Lalpa a hring zing angin” tiin inkhâm bawk naw ro.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

EPHESI 5:15

Chuongchun, mi varnawhai anga um lovin, mi varhai anga um lemin, in um dânah fîmkhur ro.

JOSUA 12:9

Jeriko lal pakhat; Bethel depa Ai khuo lal pakhat;

JOSUA 18:12

Hmârtieng panga an ramri chin chu Jordana inthawkin a na; chun, ramri chu Jeriko sîrah hmârtieng pangah a hang fe pei a, thlangtieng panga chun tlâng ramah a hang fe pei a, ramri tâwpna chu Beth-aven thlalêrah a nih.

JOSUA 2:1

Chun, Nun naupa Josua chun, Shittima inthawk chun mi pahni arûkin enthlatu dingin a tir a, “A ram le Jeriko khuo dâm chu va en vêl ta u,” tiin. Chun, an va fe a, nawchizawr pakhat a hming Rahab inah an va lût a, chutaka chun an tlung ta a.

JOSUA 7:3

Chun, Josua kuoma chun an kir nâwk a, a kuomah, “Mi po po chu hang fe kher da el raw hai se, mi sâng hni amanih, sâng thum amanih hang fe hai sienla, Ai khuo chu thaw raw se; mi po po hang suksâwl kher ding a ni naw ie, tlâwmte chau an ni si a,” an ta.

1 SAMUEL 13:5

Chun, Philistin mihai chu Israelhai do ding chun an pungkhâwm ta ṭeu el a, tawlailîr sîng thum, sakawr chung chuong mi sâng ruk, sipai chu tuipui kama phaiphin zât zet an nih; chun, an hang fe a, Beth-aven saktieng panga Mikmasa chun ṭhanghmun an khuor a.

1 SAMUEL 14:23

Chuongchun, Lalpain chu ni chun Israel mihai chu a sanhim ta a, chun, Beth-aven tlung rakin an thaw a.

1 SAMUEL 30:27

Bethela um dâm, Sim Ramotha um dâm, Jattira um dâm: