JOSUA 7:12 - Pathien Lekhabu Inthieng (BSI)

¹² Chu lei chu annâwm, Israelhaiin an hmêlmahai an ngam thei naw; ṭawngsephur an lo ni ta leiin annâwm an hmêlmahai an hnung innghat el chu; thil pumpêk chu in laia in sukbo phawt naw chun in kuoma hin ka um ta naw ding a nih.

JOSUA 7:12 Iomraidhean Croise

INPÂKNA HLABU 44:10

A mi dotuhaia inthawk chun i mîn tlânsiettir hlak a, A mi theidatuhai chun sum chu an nuom nuomin an lâk hlak.

INPÂKNA HLABU 60:10

Aw Pathien, nangma ngeiin i mi thlauthlâk a ni naw am a nih? Aw Pathien, kan sipaihai kuoma hlak i suok ve ta si naw a.

THUVARHAI 28:1

Mi suol chu tukhawm ihnawt naw khawmin a tlânsie a, Mi felhai ruok chu sakeibaknei angin an huoi.

ISAI 59:2

in khawhlona chu nangni le in Pathien kâra tlain a sukṭhe lem cheu a nih, naa a hriet nuom nawna dingin in suolnahai chun a hmai chu a hliepêk bawk cheu a nih.

JEREMIA 23:33

Hi mihai laia pakhatin amanih, zâwlneiin amanih, thiempuin amanih, “Lalpa rikphur chu ieng am a na?” ti an indawn che chun, an kuoma chun, “Nangni hi phurrik chu in nih, ka peihâwn ding cheu a nih, Lalpa chun a tih,” tiin hril rawh.

JEREMIA 6:8

Aw Jerusalem, vaulâwkna hi lo pawisa rawh, chuong naw chun, nghatsan ka ti che a, râusan le ram hluo loah siem râwi ka ti che.

HOSEA 9:12

An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!

HABAKKUK 1:13

Nang chu suolna hmûna hlak nêka mit inthieng lem nei i na, Khawhlona chu i en thei naw a nih, Chuleiin, khawhlotaka thawtuhai chu hmu zingin, Mi rilovin ama nêka mi fel lem a lem zo lai khawmin, Iengdinga i tosan ṭawk ṭawk am?

NAMBAR 14:39

Mosiein chuong thuhai chu Israel mihai po po chu a hril a; chuongchun, mipuihai chu an lungngai ta hle el a.

NAMBAR 14:42

Nangni lai Lalpa a um si naw a, hmêlmahai lo that el dingin hang fe naw ro.

NAMBAR 14:43

In hmaa khin Amalek mihai le Kanaan mihai an um a na, kâwlhnâma sâthlum ni el in tih. Lalpa chu in nghatsan tâk leiin nangni lai Lalpa chu um naw ni,” a ta.

NAMBAR 14:45

Chuongchun, chu tlânga um Amalek mihai le Kanaan mihai chu an hung thla a, an thaw a, Horma chenin an hnawt a, an vuokthlûk rum el a.

DÂN PAHNINA 7:26

In in sûngah thil tirdakum la lûtin chu thil ang chun ṭawngsephurah in insiem ding a ni nawh; tirdakum namên lova tirdakin in theida hle ding a nih, ṭawngsephur thil a ni si a.

JOSUA 6:18

Nangni ruokchu suksiet dinga thil pumpêka inthawk chun insiekieng hlau ro, chuong naw chun, suksiet dinga thil pumpêk laia mi ieng khawm lo lain, Israelhai riebûk hi suksiet dingah siem in ta, lunginzîngna intlun hlau rawi in tih.

RORELTUHAI 16:20

Chun, “Samson, Philistin mihaiin an hung thaw ding che a ni ie,” a hang ti a: chun, a in chu a hang har a, “Ni dang ang bawk khan suok nâwk el ka ta, intleng suok nâwk el naw ning am,” a ti a, Lalpain a mâksan tah ti hrim a hriet naw a.

RORELTUHAI 2:14

Chuongchun, Lalpa chu Israelhai chungah a lunginsen ta a; anni rawk hlaktuhai kuta chun a pêk tâwl ta a; an hmêlma an kâwl vêla umhai kuoma chun a zawr a: chuongchun, an hmêlmahai chu an dang zo ta naw a.

RORELTUHAI 2:4

Lalpa vântirkoin Israel thlahai po po kuoma chuong thu chu a hang hril chun, mipui chu râwl insuo meuin an ṭap tâwl ta a.

1 SAMUEL 14:38

Chun, Saula chun, “Nangni mipui hotuhai po po kha hung hnai ta u khai, vawisûn hin a ieng tak am ei thaw suol a na ti hriet tum ei tiu khai.