JOSUA 6:5 - Pathien Lekhabu Inthieng (BSI)

⁵ Chun, berâmchal ki an mût rik ruoi ruoi a, tawtawrâwt ri in hriet pha chun, mipui po po chu inringtakin khêk dur dur raw se; chuongchun, khawpui kul chu chim rup a ta, mipui chu mâni hma zâwn sengah chun hang fêng an tih,” a ta.

JOSUA 6:5 Iomraidhean Croise

FESUOKNA 19:19

Tawtawrâwt ri chu a hung inring deu deu chun Mosie chun a hang biek a, Pathien râwlriin a hung dawn ta a.

ISAI 25:12

Chun, i kul banghai, in insâng kulpui chu sukchimin, sie hnuoiin, hnuoiah, pilvut tlung khawp rakin sukthlûng a tih.

ISAI 30:25

Chun, inthatna nasatak nia râl vêng inhai chu a chim ni chun, tlâng insâng tina le muol pâwng insâng tina chun vadungpuihai le vadungtê tui luonghai hung um a tih.

JEREMIA 50:15

A vêlin ama chu khêkkhum unla; ama chu a hung inpêklût ta a, a kulhai chu a chim a, a banghai chu sukchim an na. Lalpa phubalâkna a ni si a; ama chunga chun phuba la unla, amain a lo thaw ta ang khan a chunga khawm thaw ve ro.

HEBRAIHAI 11:30

Ringnain Jeriko kul kha ni sari an inhuol hnungin a chim ta a.

JOSUA 6:16

A vawi sarinaa thiempuhaiin tawtawrâwt an hang mût chun Josua chun mipuihai kuoma chun, “Khêk ro khai, Lalpain khawpui hi a pêk ta cheu a nih.

JOSUA 6:20

Chuongchun, mipuihai chu an khêk a, tawtawrâwthai mût an ni a. Tawtawrâwt ri an hang hriet phingleh, an khêk ta dur dur a, kul chu a chim hmât vawng a; chuongchun, mi tin chu mâni hma zawn senga chun an fe a, khawpuia chun an lût a, khawpui chu an lâk ta a.

JOSUA 6:4

Chun, thiempu pasariin bâwm hma tieng berâmchal ki tawtawrâwt pasari chawi an ta; chun, a ni sari ni chun khawpui chu vawi sari vêl suok in ta, chun, thiempuhai chun tawtawrâwthai chu mût an tih.

JOSUA 6:6

Chun, Nun naupa Josua chun thiempuhai chu a ko a, an kuomah, “Thuthlung bâwm hi zâwn unla, thiempu pasariin Lalpa bâwm hmatienga chun berâmchal ki tawtawrâwt pasari chawi raw se,” a ta.

RORELTUHAI 20:37

Chun, arûka inchântuhai chun Gibea khuo chu an baw ta thut a, arûka inchântuhai chu an inzar dar a, khuoa mihai po po chu kâwlhnâmin an thaw ta rak el a.

1 SAMUEL 17:20

Chun, David chu zîngkâr a tho a, berâmhai chu vêngtu pakhat ân kawltir a, Jesaiin thu a pêk ang chun a chawi a, a fe ta a; chun, indona hmuna suok mêk sipaihai chu inthaw dinga an lo khêk dur dur lai takin ama chu tawlailîr umna hmun chu a va tlung a.

1 SAMUEL 17:52

Chun, Israel mihai le Juda mihai chu an tho a, an khêk a, Philistin mihai chu Gath chen le Ekron kul kawtkhâr chen rakin an hnawt ta a. Chun, Philistin mihai laia hliemhai chu Saaraim lampui intluonin Gath le Ekron chen chun an tlu phung el a nih.

1 SAMUEL 4:5

Chuongchun, Lalpa thuthlung bâwmin an riekhmun a hung tlung chun, Israel mi po pohai chu inringtakin an khêk ta dur dur el a, hnuoi chen khawm a tlawr ri dur dur el a.