JOSUA 6:4 - Pathien Lekhabu Inthieng (BSI)

⁴ Chun, thiempu pasariin bâwm hma tieng berâmchal ki tawtawrâwt pasari chawi an ta; chun, a ni sari ni chun khawpui chu vawi sari vêl suok in ta, chun, thiempuhai chun tawtawrâwthai chu mût an tih.

JOSUA 6:4 Iomraidhean Croise

INṬANNA 2:3

Chuongchun, Pathienin ni sari ni chu mal a sâwm a, ân ser ta a: chu ni chun Pathienin a thilsiem po po, thu ngawta a siem le kuta a siemhai chu a châwlsan ta leiin.

1 LALHAI 18:43

A siehlaw kuoma chun, “Hang fe la, tuisuoriet tieng hang thlîr ta khai,” a ta. Chun, a hang fe a, a hang thlîr a, “Iengkhawm a um nawh,” a ta. Ama chun, “Fe nâwk rawh, vawi sari chen,” a ta.

2 LALHAI 5:10

Chun, Elisa chun tirtâwn a tir a, “Fe la, Jordan vadungah vawi sari insil la, chun, i taksa chu a pângngai hung nîng a ta, hung fai i tih,” a ta.

2 LALHAI 5:14

Chun, a zu fe a, Pathien mi hril ang chun Jordan vadunga chun vawi sari a zûn phûm a; a taksa chu naupang chitê pang angin a hung um ta a, a hung inthieng vawng ta a.

2 CHANCHIN SUINA 13:12

Chun, en ta u, Pathien chu kan hma tieng keini lai a um a; in chunga inlâuna sukri dingin suklauna tawtawrâwthai le thiempuhai chu an um bawk a; Aw Israel mihai, in thlatuhai Pathien Lalpa chu do naw ro khai; in hlawtling naw ding a ni si a,” tiin.

2 CHANCHIN SUINA 20:17

Hi indonaa hin in do ngai kher naw nih, intlar phawt unla, ngîr ṭawk ṭawk ro; Lalpa sandamna chu en zing el ro; aw Juda mihai le Jerusalem mihai, ṭi naw unla, beidawng bawk naw ro; zingah anni chu hang thaw unla, Lalpa chu in kuomah a um si a,’ ” tiin.

2 CHANCHIN SUINA 20:19

Chun, Kohath mihai le Kora thla Levi mihai chu râwl nasataka inringa Israel Pathien Lalpa chu inpâk dingin an ngir ta a.

2 CHANCHIN SUINA 20:21

Chun, mipuihai chu ân fui zo hnung chun, sipaihai hmaa an fe suok phaa inthieng mawina chu inpâka Lalpa kuoma hla sak dingin mi a ruot a: “Lalpa kuomah lâwmthu hril ro, a zângaina chu kumkhuoin a um zing si a, ti ro” a ta.

JOB LEKHABU (THE BOOK OF JOB) 42:8

Chuleiin, tuhin bâwngchal pasari le berâmchal pasari kei unla; ka siehlaw Job kuoma chun fe unla, nangni ta ngei dingin pumrawhmang thilinhlân chu inhlân ro; chun, ka siehlaw Job chun ṭawngṭaipêk a ti cheu a, ama a ni leiin, kei khawma pawm ka tih, in invêtna ang peia ka thaw nawna ding cheu in. Ka siehlaw Job angin keima chungthua thil indik chu in mi hrilpêk ta si naw a,” tiin.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

LEVI DÂN 14:16

a kut vawitienga hrieka chun a changtieng kutpâr phûm a ta, hriek chu Lalpa hmaah a kutpârin vawi sari thêng a tih.

LEVI DÂN 4:6

thiempu chun thisena chun a kutpâr inchieng a ta, hmun inthieng puonzâr hmaa chun, Lalpa hmaah vawi sari thêng a tih.

ZEKARIA 4:2

Ka kuoma chun, “Ieng am i hmu a?” a ta. Kei chun, “Rângkachak sathâu khâwnvar siena, a sîpa a thlêng le, chu chunga khâwnvar pasari um, khâwnvar tin chunga a dâwt pasari seng um ka hmuh,

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

NAMBAR 23:1

Chun, Balaam chun Balak kuoma chun, “Hitaka hin maichâm pasari mi siempêk la, bâwngchal pasari le berâmchal pasari mi buotsaipêk raw khai,” a ta.

JOSUA 6:13

Chun, Lalpa bâwm hmaa berâmchal ki tawtawrâwt pasari chawi thiempu pasarihai kha an fe pei a; tawtawrâwt an mût a; chun, inrâlthuomhai chu an hmaah an fe a; chun, a hnungdâlhai chun Lalpa bâwm chu an sawm a, thiempuhai chun, fe malamin tawtawrâwt an mût pei a.

JOSUA 6:3

Râl kâp mi po po hin khawpui hi vêlin vawikhat chu hang vêl suok phawt in ta; chuong ang ruok chun ni ruk in thaw ding a nih.

JOSUA 6:5

Chun, berâmchal ki an mût rik ruoi ruoi a, tawtawrâwt ri in hriet pha chun, mipui po po chu inringtakin khêk dur dur raw se; chuongchun, khawpui kul chu chim rup a ta, mipui chu mâni hma zâwn sengah chun hang fêng an tih,” a ta.

THUPUONGSUO 1:20

ka kut changtienga arasi pasari um i hmuhai le, rângkachak khâwnvar siena pasarihai thurûk chu, Arasi pasari chu kohran pasarihai tirko an na, khâwnvar pasari chu kohran pasarihai chu an nih.

THUPUONGSUO 1:4

Johan chun: Asia rama kohran pasarihai kuoma chun: Um zing le um ta le hung um ding kuoma inthawk dâm, a lalṭhungpha hmaa thlarau pasari umhai kuoma inthawk dâm,

THUPUONGSUO 10:3

sakeibaknei inhûk angin rawl inringtakin a khêk ta a. A khêk zo chun vâninrûm pasarihai chun an rawl an insuo ta a.

THUPUONGSUO 15:1

Chun, vânah inchikna dang ropuitak le maktak ka hmu a, vântirko pasari hremna pasari chawihai chu; chuong chu hremna nuhnung takhai an nih; chuonga chun Pathien lunginsenna chu a kim ta si a.

THUPUONGSUO 15:7

Chun, thilhring pali laia pakhat chun vântirko pasarihai kuoma chun, Pathien chatuona hring zing lunginsennaa sip rângkachak berbu pasari a pêk a.

THUPUONGSUO 16:1

Chun, pindan sûngrila inthawk chun rawl inringtakin, vântirko pasarihai kuoma chun, “Fe unla, Pathien lunginsenna berbuhai chu hnuoiah bunthla ro,” a ti ka hriet a.

THUPUONGSUO 5:1

Chun, lalṭhungphaa ṭhung kut chang tienga chun lekhabu sûng tieng le puo tienga ziek, inchikna pasaria inchik tlat ka hmu a.

THUPUONGSUO 5:6

Chun, lalṭhungpha le thilhring pali hai inkârah, upahai laia chun, Berâmte that ta hnung ang, ki pasari le mit pasari nei, ngîr ka hmu a, chuong mit pasari chu Pathien Thlarau pasari, hnuoi chung po poa tir suokhai chu an nih.

THUPUONGSUO 8:2

Chun, vântirko pasari Pathien hmaa ngîr hlakhai chu ka hmu a; an kuomah tawtawrâwt pasari an pêk a.

THUPUONGSUO 8:6

Chun, vântirko pasari tawtawrâwt pasari chawihai chu mût dingin an inbuotsai ta a.