JOSUA 5:6 - Pathien Lekhabu Inthieng (BSI)

⁶ Lalpa râwl an ngai nuom naw leiin mipui po po Aiguptaa inthawka hung suok, râl kap mihai chena, sukbohmanga an um vawng chenin Israelhai chu kum sâwmli zet thlalêra chun an invâk an invâk a, Lalpain an thlatuhai kuoma nênetui le khuoizua luong ram inkhâma eini mi pêk a lo tiem kha, chu ram chu hmu lo dingin Lalpain an kuomah ṭawng ân khâm hrim a nih.

JOSUA 5:6 Iomraidhean Croise

INPÂKNA HLABU 107:4

Thlalêra ram ṭâwl lampuia chun an invâk an invâk a, Mihriem umna khuo hrim hrim an hmu naw a.

FESUOKNA 3:17

Chun, in kuomah Aiguptaa rimsiknaa inthawkin Kanaan mihai, Hit mihai, Amor mihai, Periz mihai, Hiv mihai le Jebus mihai ram khuoizu le nênetuia luong rama chun ṭhuoi lût ka ti cheu ti ka tiem ta cheu kha,’ a tih, ti rawh.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

JEREMIA 2:2

“Fe la, Jerusalem na bula chun khêk la, hieng hin hril rawh, Lalpa chun hieng hin a tih; mo anga i hmangaina le, i tleirâwl lai lunginsietna; khânga ram chi thea um nawna hmuna, thlalêra ka hnung i hung zui kha ka hriet zing a.

EZEKIEL 20:15

Chu nawa khawm, ram po pohai ropuina, nênetui le khuoizua luong anni ka lo pêk ta rama chun anni chu ka ṭhuoi lût naw ding a nih tiin thlalêra khan an kuomah ka bân ka lo phar ta a;

EZEKIEL 20:6

chu nia chun Aigupta rama inthawka, ram po pohai ropuina nenetui le khuoizua luong ram an ta dinga ka lo enthlit tah rama hung ṭhuoi dingin, an kuoma chun ka bân ka phar a.

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

NAMBAR 14:23

an thlatuhai kuoma inkhâma ram ka tiem chu hmu naw tawp an ta, anni laia mi ngainêptu hrim hrim khawma hmu bawk naw ni hai.

NAMBAR 26:63

Hieng hi a nih Jeriko zâwn, Jordan vapang, Moab phaia Israel mihai tiemtu Mosie le Eleazarin an tiemhai chu.

DÂN PAHNINA 1:3

Kum sâwmlina, thla sâwmpakhatna, chu thla ni khat ni chun, Lalpain anni hril dinga thu a pêkhai po po chu Israel mihai kuoma chun Mosiein a hril a.

DÂN PAHNINA 2:14

Kades-barneaa inthawka ei suok le Zered vadung ei kân a, Lalpain an kuoma ân khâm anga mipuihai laia chu suona râlkâp mi po po an bohmang vawng inkâr chu kum sâwmthum pariet a nih.

DÂN PAHNINA 2:7

Lalpa in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet si a; hieng kum sâwmli sûng po hin Lalpa chu in kuomah a um a, iengkhawm in tlasam naw kha, tiin thu pe rawh,’ tiin.

DÂN PAHNINA 8:4

Hieng kum sâwmli sûng hin in silfên chu in sil chulin in hâk chul naw a, in kehai khawm ân vûng naw a.

HEBRAIHAI 3:11

Ka lungsena kân khâm ang khan, Ka châwlnaa chun lût naw nihai,” tiin.

JOSUA 1:6

Hrâttak le huoitakin um rawh, inkhâma an thlatuhai pêk ka lo tiem ta ram kha anni hi în hluotir ding a ni si a.

JOSUA 24:7

Chun, anni chun Lalpa an hang ko a, Aigupta mihai le an inkâr chu a hung sukthim ta mup a; chun, tuipui a hung intuomtir a; a chîm hmang tâwl ta a, chuongchun, Aigupta rama ka thilthaw kha in mit ngeiin in hmu a; chun, thlalêra khan sâwttak in um a.

JOSUA 5:5

A hung suokhai po po kha chu ser tan sa vawng an na, amiruokchu, Aiguptaa inthawka an suok a, thlalêra lam kârlaka pienghai po po kha chu ser tan an ni ve nawh.

JOSUA 5:7

Chuongchun, an nauhai anni aia a sukpuitlinghai chu Josua chun an ser a tanpêk a, lam kâra khan an ser tan a ni naw leiin, sertanlo an ni si a,