JOSUA 5:13 - Pathien Lekhabu Inthieng (BSI)

¹³ Chun, Josua chu Jeriko khaw bula a la um lai chun a dâk a, a hang en a; a hma zâwn ela chun mi pakhat a kâwlhnâm phawisa chawia lo ngîr zing hi a hmu a. Josua chun a hang pan a, a kuoma chun, “Keini tienga ṭhang am i ni, kan hmêlmahai tieng?” a ta.

JOSUA 5:13 Iomraidhean Croise

INṬANNA 18:1

Abraham chu sûn nisa lum lai taka puon in kawtkhâr bula a ṭhung laiin, Lalpa chu Mamre thingsaisuohai kâwla chun a kuomah a hung inlâr a.

INṬANNA 18:2

A hang dâk a, a thlîr a, a kâwl ela mi pathum lo ngirhai chu a hmu a; a hmu phingleh puon in kawtkhâra inthawk anni chu tuok dingin a va tlân a, hnuoi sikin chibai a bûk a,

INṬANNA 28:16

Chun, Jakob chu a in a hung har a, “Hi hmuna hin Lalpa chu a um ngei el, ka lo hriet si nawh,” a ti a.

INṬANNA 33:1

Chun, Jakob chu a hang dâk a, a thlîr a, Esau, a mi za lihai le hung chu a hmu a. Chuongchun, a nauhai chu Leah kuoma dâm, Rakil kuoma dâm, suoknuhai pahni kuoma dâm a sem diet diet a.

INṬANNA 33:5

Esau chu a hang dâk a, nuhmeihai le naupanghai chu a hmu a, “I ṭhuoihai hi tuhai am an ni a?” a ti a. Ama chun, “Pathienin lunginsiettaka i siehlaw kuoma a pêk naupanghai an ni hi,” a ti a.

1 CHANCHIN SUINA 12:22

Chuongchun, a ni têlin sipai pâwl lientak, Pathien sipaihai ang hiel an ni hmakhat chun David kuoma chun an hung pei a.

1 CHANCHIN SUINA 21:27

Chun, Lalpa chun vântirko chu thu a pêk a; a kâwlhnâm chu a bâwma chun a khum nâwk ta a.

1 CHANCHIN SUINA 21:30

Nisienlakhawm, chu hmaa chun Pathien rawn dingin David chu a fe thei naw a,Lalpa vântirko kâwlhnâm lei chun a ṭi tlat si a.

FESUOKNA 23:23

Ka vântirko chu i hmaah fêng a ta, Amor mihai, Hit mihai, Periz mihai, Kanaan mihai, Hiv mihai le Jebus mihai rama chun ṭhuoi lût a ti che; chun, anni chu sukbohmang ka tih.

DANIEL 10:5

ka mithai vân tieng ka hang inlên a, ka en a, mi pakhat puon zai inhmia inthuom, a kâwnga Uphaz rângkachak inthienga inkhit hi ka hmu a;

DANIEL 8:3

Chun, ka mit ka hang meng a, ngai ta, vadung kâwla chun berâmchal ki pahni nei a ngîr ka hmu a; chu kihai pahni chu ân sâng hle a; amiruokchu, a ki pakhat chu a dang nêk chun ân sâng lem a; ân sâng lem chu a hung suok nuhnung lem chu a na.

ZEKARIA 1:8

“Zâna hin thil ka hmu a, mi pakhat sakawr sen chunga chuong hi ka hmu a, ama chu hmun inruom inhmui thing lai hin a ngîr zing a; chun, a hnunga chun sakawr sen dâm, a buong dâm, a vâr dâm hi an um a.

NAMBAR 22:23

Sabengtung chun Lalpa vântirko, kâwlhnâm chawia lampuia ngîr chu a hmu a, chuongchun, sabengtung chu lampuia inthawk chu a pêt a, ramhnuoia chun a fe ta a. Balaam chun sabengtung chu lam- puia infe kîrtir tum chun a vuok a.

NAMBAR 22:31

Chun, Lalpain Balaam mit chu a sukvarpêk a, chuongchun, Lalpa vântirko kâwlhnâm chawia lampuia ngîr chu a hmu ta a, a kûn a, a hmaia hnuoi sikin a bawkkhup a.

THILTHAWHAI 1:10

Chun, a hang fe laia vân tieng an en zing laiin, mi pahni puon vâr silin an kâwlah an hung ngîr a.

JOSUA 6:2

Chun, Lalpain Josua kuomah, “En ta, Jeriko le a lal le mi hrât huoisenhai hi i kutah ka pêk tah.

THUPUONGSUO 1:13

khâwnvar siena lai chun, mi tu amanih mihriem naupa ang, ke lêr chena puon sil, a âwma rângkachak kâwngkhia inkhit ka hmu bawk a.

RORELTUHAI 13:11

Manoa chu a tho a, a nuhmei chu a zui a, ama kuom chu a va tlung a, a kuomah, “Nang hi i ni maw nuhmei kuoma thuhriltu chu?” a ti a. Ama chun, “Ka nih,” a ti a.

RORELTUHAI 13:22

Chun, Manoa chun, a nuhmei kuomah, “Ei thi ngei ding a nih, Pathien ei hmu tlat si a,” a ti a.