JOSUA 4:19 - Pathien Lekhabu Inthieng (BSI)

¹⁹ Mipuihai chu thla khatna ni sâwm niin Jordan vadunga inthawk chu an suok a, Jeriko sak tieng panga Gilgala chun umhmun an khuor ta a.

JOSUA 4:19 Iomraidhean Croise

2 LALHAI 2:1

Chun, Lalpa chun Elija chu thlivira vâna a zuk lâk ding lai chun Elija chu Elisa leh Gilgala inthawk chun an fe a.

AMOS 4:4

“Bethela chun hung unla, bawse ro, Gilgala chun hung unla, bawsietna chu sukpung ro; chun, in inthâwinahai chu tûk tin hung la unla, in sâwma pakhathai chu ni thum dan peiah hung la ro,

AMOS 5:5

nisienlakhawm, Bethel khuo chu zawng naw unla, Gilgala chun lût naw bawk unla. Beer-seba khuoah kai bawk naw ro; Gilgal khuo chu matheilovin sala manin a um ding a ni si a; Bethel khuo chu teplo hung nîng a tih.”

MIKA 6:5

Aw ka mihai, Lalpa thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima inthawka Gilgal chenin thil umziehai kha, tuhin hre zing ro.”

DÂN PAHNINA 1:3

Kum sâwmlina, thla sâwmpakhatna, chu thla ni khat ni chun, Lalpain anni hril dinga thu a pêkhai po po chu Israel mihai kuoma chun Mosiein a hril a.

DÂN PAHNINA 11:30

Chu tlânghai chu nisa tlâkna khêl Araba tieng lampuia um, Kanaan mihai ram, Gilgal zâwn, More thingsaisuo sîr, Jordan râla um an nih.

JOSUA 10:43

Chun, Josua le Israel mihai po po chu Gilgala an riebûkah an kir nâwk ta a.

JOSUA 10:6

Chun, Gibeon mihai chun an riebûk Gilgalah, Josua kuomah mi an tir a, “I siehlawhai hi ngaitha naw raw khai; inhmawtakin kan kuomah hung vat la, mi hung sandam la, mi hung ṭhangpui rawh: tlâng rama chênghai Amor lalhai keini mi thaw dingin an inhâwrkhâwm a nih,” tiin.

JOSUA 15:7

chun, ramri chu Akor ruoma inthawkin Debira chun a fe pei a, chun, vadung simtienga um Adummima hang fena depa Gilgal tieng panin hmârtieng a fe pei a; chun, ramri chu En-rogelah a suok a nih;

JOSUA 24:11

Chun, Jordan vadung in kai a, Jeriko in hang tlung a; chun, Jerikoa mihai chun an lo do cheu a; Amor mihai, Periz mihai, Kanaan mihai, Hit mihai, Girgas mihai, Hiv mihai, Jebus mihai le khan, chuongchun, anni chu in kutah ka pêk a.

JOSUA 4:18

Thiempuhai Lalpa thuthlung bâwm zâwntuhai chu Jordan vadunga inthawka an hung suok a, thiempuhai ke chun khawmuol chu a sir char leh Jordan tuihai chu an luong pângngaiin an hung luong nâwk a, a hma ang bawk khan a kuonghai po poa chun a luong liem nâwk ta zuoi zuoi a.

JOSUA 5:10

Israelhai chun Gilgala chun umhmun an khuor a; chun, Jeriko phaiahai chun chu thla ni sâwmpali ni, zântieng chun Fêkân Ruoiṭhe an hmang ta a.

JOSUA 5:9

Chun, Lalpain Josua kuomah, “Vawisûn hin Aigupta mihai hmusitna cheu hi kân hlum hmang tah,” a ta. Chuongchun, chu hmun chu tu chen hin Gilgal an lo ti a nih.

JOSUA 9:6

Chun, Josua kuomah Gilgala an riebûka chun an va fe a, a kuoma le Israelhai kuoma chun, “Ram hlataka inthawka hung kan na; chuongchun, kan kuoma hin thu thlung ro khai,” an va ti a.

1 SAMUEL 10:8

Chun, ka fe hma hin Gilgala chun lo zu fe la, chun, ngai ta, kei khawm pumrawhmang thilinhlânhai le inremna inthâwinahai inhlân dingin i kuomah hung thlâng ka ta; i kuoma ka hung a, i thaw ding ka hung hril hma che chun ni sari i lo um ding a nih,” a ta.

1 SAMUEL 15:33

Chun, Samuel chun, “I kâwlhnâmin nuhmeihai nau boa a siem angin i nu khawm nuhmei laia nau bo mi nîng a tih,” a ta. Chuongchun, Samuel chun Agag chu Gilgal khuoa chun Lalpa hmaah a sât nawi neng el ta a.