JOSUA 4:18 - Pathien Lekhabu Inthieng (BSI)

¹⁸ Thiempuhai Lalpa thuthlung bâwm zâwntuhai chu Jordan vadunga inthawka an hung suok a, thiempuhai ke chun khawmuol chu a sir char leh Jordan tuihai chu an luong pângngaiin an hung luong nâwk a, a hma ang bawk khan a kuonghai po poa chun a luong liem nâwk ta zuoi zuoi a.

JOSUA 4:18 Iomraidhean Croise

1 CHANCHIN SUINA 12:15

Thla khatnaa Jordan vadung a kuong a liem pûr lai khawma kântuhai chu an nih; chuongchun, chu varuoma a saktieng le a thlangtienga umhai po po chu an intlânsiettir a.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

JOSUA 3:13

chun, Lalpa hnuoi pumpui Lalpa bâwm zâwntu thiempuhai ke chun Jordan tui a sir charin Jordan tui, saktienga inthawka tui hung luonghai chu suktan nîng a ta; chuongchun, hlawm khata intling khâwmin ngîr a tih,” a ta.

JOSUA 3:15

bâwm zâwntu thiempuhai ke chun vapang tui a hang sir phingleh (bu sîk sûng po hin chu Jordan vadung hi a kuong po po a liem zing hlak a),

JOSUA 4:11

Mipui po po chu an kai vawng hnung chun Lalpa bâwm le thiempuhai chu mipuihai mithmua chun an kai ve ta a.

JOSUA 4:17

Chuongchun, Josua chun thiempuhai chu “Jordan vadunga inthawk khan hung suok ta ro khai,” tiin thu a pêk a.

JOSUA 4:19

Mipuihai chu thla khatna ni sâwm niin Jordan vadunga inthawk chu an suok a, Jeriko sak tieng panga Gilgala chun umhmun an khuor ta a.