JOSUA 4:11 - Pathien Lekhabu Inthieng (BSI)

¹¹ Mipui po po chu an kai vawng hnung chun Lalpa bâwm le thiempuhai chu mipuihai mithmua chun an kai ve ta a.

JOSUA 4:11 Iomraidhean Croise

ISAI 52:12

Inhmâwtakin in fe suok âwm si naw a, tlânsiein fe bawk naw ti niu; Lalpa chun in hma a ṭhuoi ding a ni si a; Israelhai Pathien chu in hnung dâltu nîng a tih.

JOSUA 24:11

Chun, Jordan vadung in kai a, Jeriko in hang tlung a; chun, Jerikoa mihai chun an lo do cheu a; Amor mihai, Periz mihai, Kanaan mihai, Hit mihai, Girgas mihai, Hiv mihai, Jebus mihai le khan, chuongchun, anni chu in kutah ka pêk a.

JOSUA 3:17

Chun, Lalpa thuthlung bâwm zâwntu thiempuhai chu Jordan vadung laia chun, hnuoi hulah an ngîr zing ta a; mipui po po chun Jordan vadung chu an kai fai vawng chenin Israelhai po po chu hnuoi hula chun an fe kai ta vawng a.

JOSUA 3:8

Chun, thuthlung bâwm zâwntu thiempuhai chu thu pêng i ta, ‘Jordan vadung pang chu in tlung pha chun, Jordana chun ngir zing ro,’ tiin,” a ta.

JOSUA 4:10

Mosiein Josua kuoma thu a lo pêk ta po po anga, Lalpain mipuihai kuoma hril dinga Josua thu a pêk chu thaw vawng a ni hmakhat chun thiempu bâwm zâwntuhai chu Jordan vadung lailunga chun an ngîr zing el a. Chuongchun, mipuihai chu inhmawtakin an kai tâwl ta a.

JOSUA 4:12

Mosiein an kuoma a lo hril ta angin Reuben mihai, Gad mihai le Manasse hnam zâtvehai chu inrâlthuom sain Israel mipuihai hmain an lo kai a;

JOSUA 4:18

Thiempuhai Lalpa thuthlung bâwm zâwntuhai chu Jordan vadunga inthawka an hung suok a, thiempuhai ke chun khawmuol chu a sir char leh Jordan tuihai chu an luong pângngaiin an hung luong nâwk a, a hma ang bawk khan a kuonghai po poa chun a luong liem nâwk ta zuoi zuoi a.