JOSUA 3:6 - Pathien Lekhabu Inthieng (BSI)

⁶ Chun, Josua chun thiempuhai kuoma chun, “Thuthlung bâwm hi zâwn unla, mipuihai hmaah fe ro,” a ta, a hril a. Chuongchun, thuthlung bâwm chu an zâwn a, mipui hma chu an ṭhuoi ta a.

JOSUA 3:6 Iomraidhean Croise

1 LALHAI 8:3

Chun, Israel upahai po po chu an hung a, thiempuhai chun bâwm chu an zâwn a.

2 CHANCHIN SUINA 5:4

Israel upahai po po chu an hung a, Levi mihai chun bâwm chu an zâwn ta a.

MIKA 2:13

Nêr thlengtu chu an hmaa chun fêng a ta, nêr thleng an ta, kawtkhâr chenin fe pei an ta, chutaka chun fe suok an tih: chun, an lal chu an hmaa chun fêng a ta, Lalpa chun an hma ṭhuoi a tih.

NAMBAR 10:33

Chuongchun, Lalpa tlânga inthawka ni thum lamah an fe a; Lalpa Thuthlungna bâwm chu an ta dinga innghatna hmun remchâng zawngin chu ni thum lama chun a fe hmasa pei a.

NAMBAR 14:15

Hieng mipuihai hi ṭum khata i sukhlum vawng chun i hming inthang zie hretu hnamhai chun,

HEBRAIHAI 6:20

chutaka chun Isu, Melkizedek um dân anga chatuon Thiempu Laltak lo ni tain, ei hmaṭhuoitu dingin a lût ta a.

JOSUA 3:3

“Lalpa in Pathien Thuthlung bâwm le thiempu Levi mihaiin an zâwn lai in hmu pha chun in umna hmuna inthawk hin insawn unla, zui el ro.

JOSUA 3:5

Chun, Josua chun mipuihai kuomah, “Insukthieng ro, zinga hin Lalpain nangni lai thil maktakhai a thaw ding a nih,” a ta.

JOSUA 3:7

Chun, Lalpain Josua kuomah, “Mosie kuoma ka um ang khan, i kuoma khawm ka um ding a nih ti an hriet theina dingin, Israelhai po po mithmuah vawisûn hin ka chawimawi ṭan ding che a nih.

JOSUA 6:6

Chun, Nun naupa Josua chun thiempuhai chu a ko a, an kuomah, “Thuthlung bâwm hi zâwn unla, thiempu pasariin Lalpa bâwm hmatienga chun berâmchal ki tawtawrâwt pasari chawi raw se,” a ta.