JOSUA 3:1 - Pathien Lekhabu Inthieng (BSI)

¹ Josua chu zîngkâr inhmatakin a tho a, Shittima inthawk chun an insawn a, Jordan an va tlung a, ama le Israel mihai po po le chun; an kai hmain chutaka chun an riek a.

JOSUA 3:1 Iomraidhean Croise

INṬANNA 21:14

Chuongchun, Abraham chu zîngkâr inhmatakin a tho a, bei le tuiûm a lâk a, Hagar kuomah a pêk a, a liengkoah ân chuonpêk a, naupang le chun ân fetir ta a; chuongchun, a fe a, Beer-seba thlalêra chun ân vâk ân vâk ta a.

INṬANNA 22:3

Chun, Abraham chu zîngkâr inhmatakin a tho a, a sabengtung a siem a, a kuomah a siehlaw tlangvâl pahni a ṭhuoi a, a naupa Isak le chun; chun, pumrawhmanga inthawina ding chun thing a chêk a, a tho a, Pathienin a hrilna hmun tieng chun a fe ta a.

INPÂKNA HLABU 119:60

I thupêkhai zâwm dingin, Kân hmaw a sâwt ka riel nawh.

JEREMIA 25:3

“Juda ram lal Amon naupa Josia inlal kum sâwmpathum kuma inthawka vawisûn ni chen hin, hi kum sâwmhni pathum sûng hin Lalpa thu chu ka kuomah a hung tlung hlak a; chun, in kuoma chun ṭhahnemngaitakin ka lo hril hlak cheu a; amiruokchu, in awi ngai naw a.

JEREMIA 26:5

inhmataka thoa anni hung tira, ka siehlaw zâwlneihai in kuoma ka hung tirhai thuhai in ngai dinghai chu, in ngai ta naw a;

JEREMIA 7:13

Chun, tuhin Lalpa chun, ‘Hieng thilhai po po hi in thaw ta leiin, inhmataka thoa thu hrilin, in kuoma ngei chun thu ka lo hril ta a; nisienlakhawm, in ngai si naw a; ka ko cheu a, in mi dawn naw a;

MIKA 6:5

Aw ka mihai, Lalpa thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima inthawka Gilgal chenin thil umziehai kha, tuhin hre zing ro.”

NAMBAR 25:1

Chuongchun, Israelhai chu Sittima an um lai chun, Moab naunuhmeihai an pâwl ta a;

MARKA 1:35

Chun, zîngkâr inhmatakin, khawvar hma daiin a tho a, a suok a, hmun fienrielah a va fe a, chutaka chun a ṭawngṭai a.

JOSUA 2:1

Chun, Nun naupa Josua chun, Shittima inthawk chun mi pahni arûkin enthlatu dingin a tir a, “A ram le Jeriko khuo dâm chu va en vêl ta u,” tiin. Chun, an va fe a, nawchizawr pakhat a hming Rahab inah an va lût a, chutaka chun an tlung ta a.

JOSUA 6:12

Chun, Josua chu zingkâr inhmatakin a tho a, thiempuhai chun Lalpa bâwm chu an zâwn a.

JOSUA 6:15

A ni sari ni chun zîngkâr vârṭienin an tho a, thaw dân pângngaiin vawi sari an vêl suok a, chu ni chau chun khawpui chu vawi sari an vêl suok a nih.

JOSUA 7:16

Chun, Josua chu zîngkâr inhmatakin a tho a, Israelhai chu a chi chiin a hung inlang tir a; Juda chihai chu man an lo ni ta a.

JOSUA 8:10

Chun, Josua chu zîngkâr inhmatakin a tho a, mipuihai chu a kei khâwm a; chun, ama le Israel upahai chu mipuihai hmaa chun Ai khuo tieng an hang fe a.

RORELTUHAI 20:19

Chuongchun, Israel thlahai chu zîngkâr an tho a, Gibea chu an hang inhuol a.

1 SAMUEL 17:20

Chun, David chu zîngkâr a tho a, berâmhai chu vêngtu pakhat ân kawltir a, Jesaiin thu a pêk ang chun a chawi a, a fe ta a; chun, indona hmuna suok mêk sipaihai chu inthaw dinga an lo khêk dur dur lai takin ama chu tawlailîr umna hmun chu a va tlung a.