JOSUA 24:6 - Pathien Lekhabu Inthieng (BSI)

⁶ Chun, in thlatuhai chu Aigupta rama inthawkin ka ṭhuoi suok a; chun, tuipui in va tlung a, chuongchun, Aigupta mihai chun in thlatuhai chu tawlailîr le sakawr chung chuong mihai leh Tuipui Sen chenin an hnawt a.

JOSUA 24:6 Iomraidhean Croise

NEHEMIA 9:11

Chun, an hmaa chun Tuipui Sen chu i sukṭhe a, tuipui laiah hnuoi hulah chun in fe thlengtir a; anni hnawttuhai ruok chu tui inthûktakah, tui nasataka lung pei lût ang elin i pei lût a.

INPÂKNA HLABU 78:13

Tuisuoriet chu a sukṭhe phawk a, anni chu ân fe kâitir a, Tuihai chu iengkhat sie khâwm thûr angin ân ngîrtir nguou a.

FESUOKNA 12:37

Israel mihai, naupangnawi tiem loa puitling ruok khawm nuoi ruk lai chu Ramesesa inthawkin Sukkoth chen kein an fe ta a.

FESUOKNA 12:51

Chu ni ngei chun Lalpa chun Israel mihai chu an pâwl ruol ang peiin Aigupta rama inthawk a ṭhuoi suok ta a.

MIKA 6:4

Aigupta rama inthawk chun ka ṭhuoi suok cheu a, suoka inthawkin kân tlansuok cheu a, in hmaah Mosie hai le, Aron hai le Miriam hai ka hung tir kha.

THILTHAWHAI 7:36

Ama chun Aiguptaa dâm, Tuipui Sena dâm, thlalêra dâm chun kum sâwmli sûngin thilmak le inchiknahai inhmutirin anni a ṭhuoi suok ta a.

HEBRAIHAI 11:29

Ringnain khawmuola fe angin Tuipui Sena khan an fe kai a; Aiguptahaiin chu chu thaw an tum ve a, lem zoin an um ta a.