JOSUA 24:2 - Pathien Lekhabu Inthieng (BSI)

² Chun, Josua chun mi po po kuoma chun, “Lalpa Israelhai Pathienin hieng ang hin a ti a nih, ‘In thlatuhai kha inhma laiin vadung khêla khan an um hlak a; Abraham pa le Nahor pa Tera meu khawm kha; anni chun pathien danghai rawng an bâwl hlak a.

JOSUA 24:2 Iomraidhean Croise

INṬANNA 11:22

Serug chun kum sâwmthum a niin naupasal Nahor a nei a:

INṬANNA 11:24

Nahor chun kum sâwmhni le pakuo a niin naupasal Tera a nei a:

INṬANNA 11:26

Chun, Tera chun kum sâwmsari a niin naupasal Abram, Nahor le Haran a nei a.

INṬANNA 11:27

Chun, hienghai hi Tera thlahai chu an nih. Tera chun naupasal Abram, Nahor le Haran a nei a. Haran chun naupasal Lota a nei a.

INṬANNA 31:19

Laban chu a berâm hmul vaw dingin a fê dai a; chun, Rakil chun a pa milimhai chu ân rûkpêk a;

INṬANNA 31:30

Chun, i pa in ngai tain fe inhâwk êm êm la khawm, iengdinga ka pathienhai mîn rupêk am i ni a?” a ti a.

INṬANNA 31:32

Tukhawm i pathienhai i hmûna chu dam naw ni hai; ei unauhai mithmua hin i ta kan kuoma um chu en chieng la, la ta la,” a ta. Rakilin a lo inrûk ti Jakob chun a hriet si naw a.

INṬANNA 31:53

Abraham Pathien, Nahor Pathien, an pa Pathien chun ei kâra thu ngaituo raw se,” a ti nâwk a. Chun Jakob chun a pa Isak Iṭi chu sâlin ṭawng ân khâm ta a:

INṬANNA 35:4

Chuongchun, mi dang pathien an kuta um po po le, an naa nabe an ibe po po chu Jakob an pêk a, chun Jakob chun Sekem khaw kâwla thingsaisuo hnuoia chun a thuphmang ta a.

1 CHANCHIN SUINA 1:27

Abram, (hi hi Abraham leh thuhmun a nih);

ISAI 51:2

In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.

EZEKIEL 16:3

Lalpa Pathien chun Jerusalem kuomah hieng ang hin a tih, ti rawh; ‘I piengna le i hnam ram chu Kanaan mihai ram a na; Amor mi chu i pa a na; Hit mi chu i nu a nih.

LUKA 3:34

Ama chu Jakob nau a na, Ama chu Isak nau a na, Ama chu Abraham nau a na, Ama chu Tera nau a na, Ama chu Nahor nau a na,

DÂN PAHNINA 26:5

Chun, Lalpa in Pathien hmaa chun, ‘Kan pu chu Suria mi, mi invai a na, Aigupta ramah a zu fe a, a zu um zing a, tlâwmte an na; chun, chutaka chun hnam ropuitak, thilthawtheitak, tamtak an hung ni ta a.

JOSUA 24:15

Chun, Lalpa rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu Lalpa rawng a nih kan bâwl ding chu,” a ta.