JOSUA 23:9 - Pathien Lekhabu Inthieng (BSI)

⁹ Lalpain in hmaa chi ropuitak le hrâttak chu a hnawt suok vawng ta hi; nangni hmaa chun vawisûn ni chen khawm hin tukhawm a ṭhang thei hrim hrim an um dêr naw hi.

JOSUA 23:9 Iomraidhean Croise

1 LALHAI 21:26

Lalpain Israel mihai hmaa a hnawtsuok Amor mihai thilthaw tinrêng ang, milimhai bein thil tirdakumtakin a thaw hlak a).

2 CHANCHIN SUINA 20:7

Aw kan Pathien, i mi Israelhai hmaah hi ram hluotuhai hi i hnawt suokin, i ruolpa Abraham thlahai kuomah kumkhuoa dingin i pêk a ni naw am a nih?

FESUOKNA 23:23

Ka vântirko chu i hmaah fêng a ta, Amor mihai, Hit mihai, Periz mihai, Kanaan mihai, Hiv mihai le Jebus mihai rama chun ṭhuoi lût a ti che; chun, anni chu sukbohmang ka tih.

FESUOKNA 23:30

I hung pung a, ram chu i hluo thei zet hmakhat chu anni chu tlawmte têin i hmaa inthawkin hnawt suok hret hret ka tih.

THILTHAWHAI 7:45

Chu bawk chu ei thlatuhai thla nâwk khawmin an nei sâwng pei a, Pathienin ei thlatuhai hmaa Jentail a hnawt suokhai ram an hluo lai khan Josua lût ruolin an lûtpui a; David hung um chen khan chutaka chun a um ta zing a.

DÂN PAHNINA 11:23

Lalpa chun hieng hnamhai po po hi hnawt suokpêk a ti cheu a, nangni nêka ropui le thilthawthei lem hnam ram chu hluong in tih.

DÂN PAHNINA 7:24

An lalhai chu in kutah pêng a ta, an hming chu vânkhuphnuoia inthawk hin in thaihmang dai ding a nih; in sukbohmang dêr chenin in hmaa ngîr thei tukhawm um hrim hrim naw ni hai.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâwsamtir naw ning che a, mâk khawm mâksan naw tawp ka ti che.

JOSUA 15:14

Kaleb chun chu khuoa inthawk chun Anak naupasalhai pathum Sesai hai, Ahiman hai, Talmai hai, Anak nauhai chu a hnawt suok a.

JOSUA 23:5

Chun, Lalpa in Pathienin in hmaa hin hnawt suok a ta, in hmu phâk nawah hnawt hmang vawng a ta; chuongchun, Lalpa in Pathienin in kuoma a hril ta ang khan an ram chu in nei ding a nih.

JOSUA 23:8

vawisûn chena in la thaw zing ang hin, Lalpa in Pathien chu chel tlat lem hlak ro.

JOSUA 24:18

Chuongchun, Lalpa chun kan hma ngeiah hnam tin chuong rama um Amor mihai chu a hnawt suok vawng a; chuleiin, keini khawma Lalpa rawng a nih kan bâwl ding chu, ama chu kan Pathien a ni si a,” an ti a, an dawn a.