JOSUA 23:16 - Pathien Lekhabu Inthieng (BSI)

¹⁶ Lalpa in Pathienin thuthlung a pêk cheu hi in bawsiet a, pathien danghai rawng inbâwl a, kûna chibai inbûk vai chun Lalpa lunginsenna chu in chungah inling a ta, ram ṭhatak a pêk cheua inthawk hi bohmang nghâl el in tih,” a ta.

JOSUA 23:16 Iomraidhean Croise

1 LALHAI 14:15

Lalpa chun tuia phairuong kûng inhnîng inhnîng angin Israelhai chu hung vaw hnîng a ta; chuongchun, Lalpa lung suksena an Aserahai chu an siem leiin, an puhai a lo pêk tah, hi ram ṭhataka inthawk hin Israelhai chu la keidawk fai vawng a ta, vadung khêl tienga chun la sukdar vawng a tih.

1 LALHAI 9:6

Amiruokchu, nangniin amanih, in thlahaiin amanih in mi zui chu in mi kîrsan a, ka thupêkhai le ka thuruothai kân hriettirhai cheu hi in pawm naw a, pathien danghai rawng dâm in va bâwl a, in va biek chun,

1 LALHAI 9:7

Israelhai hi ram ka pêka inthawk hin sukbohmang ka ta; chun, hi in ka hming dinga ka sukthieng ta sa hi ka mithmu phâk nawah sawnhmang dai ka tih; chuongchun, Israelhai hi hnam tinrênghai laia chun tielna le a se tieng hrilkhinaa hmang la nîng an ta;

2 LALHAI 17:7

Chuong anga an umna san chu Israel mipuihai chun Aigupta lal Pharao kuta inthawkin, Aigupta rama inthawka ṭhuoi suoktu Lalpa an Pathien chungah thil an suksuol a, pathien danghai an pawisa lem a,

2 LALHAI 24:20

Lalpa lunginsenna leia a hmu phâk nawa a hnawthmang dai chenin Jerusalem le Juda chungah thil a hung tlung pei a nih; chun, Zedekia chu Babulon lal chunga chun a hel ta a.

ISAI 24:5

Hnuoi hi a umhai hnuoia chun a pawrche zo ta a; dânhai chu an bawsiet a, thuruot chu an sukdanglam a, kumkhaw thuthlung chu an bawsiet leiin.

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni ta a; en ta, i hmu zing hi.

NAMBAR 33:56

In umna rama chun suklungzîng an ti cheu. Chun, an chunga thaw ka lungril ang chu in chungah thâwng ka tih,’ ti rawh,” tiin.

DÂN PAHNINA 17:3

Pathien dang rawng va bâwl a, ka thupêk ni lo, nisa amanih, thla amanih, vâna mi hrim hrim bie an um a, an hril che a,

DÂN PAHNINA 28:15

“Amiruokchu, Lalpa in Pathien râwl chu nguntaka in ngai a, vawisûna thu ka pêk cheu thupêk po pohai hi fîmkhurtaka in zâwm naw chun hieng ṭawngsie po pohai hi in chungah hung um a ta, nangchîng an ti cheu.

DÂN PAHNINA 6:15

Nangni laia um Lalpa in Pathien chu Pathien thîkthusie a nih; Lalpa in Pathien lung chu in chungah inthawk a ta, leihnuoia inthawk hin sukbohmang el rawi a ti cheu.

RORELTUHAI 2:14

Chuongchun, Lalpa chu Israelhai chungah a lunginsen ta a; anni rawk hlaktuhai kuta chun a pêk tâwl ta a; an hmêlma an kâwl vêla umhai kuoma chun a zawr a: chuongchun, an hmêlmahai chu an dang zo ta naw a.

RORELTUHAI 2:20

Chun, Lalpa chu Israelhai chunga chun a lunginsen ta a; chuongchun, “Hi hnamhai hin an thlatuhai thu ka ipêk, ka thuthlung chu an bawsiet a, ka râwl khawm an ngai ta si naw a;

1 SAMUEL 12:25

Amiruokchu, suoltaka thil in la thaw rawp chun bohmang in tih, nangni le in lal khawm,” a ta.