JOSUA 23:13 - Pathien Lekhabu Inthieng (BSI)

¹³ Lalpa in Pathienin hieng hnamhai hi in mithmua chun a hnawt suok pêk ta naw tawp ding cheu a nih, Lalpa in Pathienin hi ram ṭhatak a pêk cheua hin in bohmang vawng hmakhat chun anni chu in ta dingin châng le bil le in nâkphêk ta dinga vuokna hmawl le, in mit ta dinga hling hung ni lem an tih ti chiengtakin hre ro khai.

JOSUA 23:13 Iomraidhean Croise

1 LALHAI 11:4

Chun, Solomon chu a hung upat hnung chun, a nuhmeihai chun pathien dang kuom tienga chun a lungril an ṭhuoi kâwipêk ta a, chuongchun, a pa David lungril angin Lalpa a Pathien tienga chun a lungril chu a hung ṭha famkim ta naw a.

2 LALHAI 17:18

Chuleiin, Lalpa chu Israelhai chunga chun a lung a sen ta êm êm a, a mithmu phâk nawah a sawn hmang dai ta a; Juda hnam chau naw chu um an um ta naw a.

2 LALHAI 17:20

Chun, Lalpain Israel thlahai hrim hrim chu a dit ta naw a, anni chu a sukrimsi a, a mit hmu phâk nawa a sawn hmang hma po chun rawktuhai kuta chun a pêk ta a.

2 LALHAI 25:21

Chun, Babulon lal chun Hamath ram, Ribla khuoa chun a lo sukhlum a. Chuongchun, Juda chu a ram sûnga inthawka sala ṭhuoi suokin a lo um ta a.

2 LALHAI 25:26

Chuongchun, mi po po a chîn a lienin sipai hotuhai leh an suok a; Aigupta ramah an fe ta a, Kaldaihai chu an ṭi a nih.

INPÂKNA HLABU 69:22

An hmaa an dawkân chu châng lo ni sienla, Lungmuongtaka an um laiin bil lo ni raw se.

FESUOKNA 10:7

Chun, Pharao siehlawhai chun a kuomah, “Hi mipa hi ei ta dingin ieng chen am châng a ni ding a ni leh? An Pathien Lalpa chu a rawng an bâwlpêk theina dingin mihai chu infetir ta la: Aigupta hi suksiet vawng a ni tah ti hi i la hriet naw rawp am a nih?” an ti a.

FESUOKNA 23:33

I ram sûngah an um ding a ni naw a, chuong naw chun ka chungah insuksuoltir rawi an ti che; an pathienhai rawng i bâwl chun, i ta dingin châng a ni ngei ngei ding a ni si a, tiin” a ta..

FESUOKNA 34:12

I chungah fimkhur rawh, chuong naw chun i fêna tieng ram hluotuhai leh thuthlung siem rawi i ta, nangni laia châng ni rawi a tih.

FESUOKNA 34:16

An naunuhmeihai chu i naupasalhai inneitir i ta, an naunuhmeihai chun an pathienhai hnawta an inzawr phain, i naupasalhai chu an pathienhai leh inuiretir rawi an tih.

EZEKIEL 28:24

“Chun, Israel sûngkuoa chun a suntu hling um ta naw ni a, an sîr vêla hling buoipuiumhai anni sukhmingse dinghai chu um ta naw ni a, chun, Lalpa Pathien chu ka nih ti mi hre tâng an tih.

NAMBAR 33:55

Amiruokchu, chu rama umhai chu in hnawt suok naw chun in inumtirhai chu in mit ta dinga suntu le in pang ta dinga hling ang nîng an tih.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

DÂN PAHNINA 29:28

Lalpa lunginsenna nasatak le ṭiumtak lei chun anni chu an rama inthawkin a phâwi dawk a, ram dangah a thelût tâwl a nih, tuta an um dân ang hin,’ la tîng an tih.

DÂN PAHNINA 30:18

bohmang ngei ngei in tih, ti tuhin ka hril cheu a nih, Jordan vadung kaia hluo dinga in va lûtna ding rama chun dam sâwt naw ti niu.

DÂN PAHNINA 4:26

Jordan kâna in va hluo ding rama inthawk chun bohmang vak el in tih, ti in chungchâng thua a mi hrietpuitu dingin tuhin hnuoi le vân ka fiel a nih, chêng sâwt naw ti niu a, bohmang vawng el in tih.

DÂN PAHNINA 7:16

Lalpa in Pathienin a pêk ding cheu hnamhai po po chu in sukbohmang vawng ding a nih, in lunginsiet ding a ni naw a, an pathienhai rawng khawm in bâwl ding a ni nawh; in ta dingin châng a ni el ding a ni si a.

2 TIMOTHE 2:26

Pathien dit zâwng thaw dingin Lalpa suoka manin, Diebol chânga inthawkin an suok thei hlau rawi mawh.

RORELTUHAI 2:21

chuleiin, kei khawma tuta chin chu Josua thi hmaa hnawt suok bâk hnamhai hi hnawt suokpêk ta naw ning ah: