JOSUA 23:12 - Pathien Lekhabu Inthieng (BSI)

¹² Chuong naw chun, in nghatsan hlau a, hieng hnam la umhai, nangni laia la chêng zinghai hi in inkawppui a, anni le nuhmei pasal in innei a, anni chu in pâwl a, anni khawma an pâwl vai cheu chun,

JOSUA 23:12 Iomraidhean Croise

INṬANNA 2:24

Chuleiin, pasalin a nu le pa mâksan a ta, a nuhmei chel a tih, chuongchun, tisa pumkhat hung ni tâng an tih.

INṬANNA 34:3

Chun, a lungril chu Jakob naunu Dina chunga chun a um tlat a, chu nunghâk chu a hmangai a, bau ṭhatakin a biek a.

1 LALHAI 11:2

chuong hnamhai chungchâng thu chu Lalpain Israel mihai kuomah, “Anni chu pâwl naw unla, anni khawma pâwl naw raw hai se cheu; an pathienhai tieng in lungril an kei kâwi ngei âwm si a,” tiin a lo hril ta hrim a; chuonghai chu Solomon chun hmangainain a chel tlat a.

1 LALHAI 11:4

Chun, Solomon chu a hung upat hnung chun, a nuhmeihai chun pathien dang kuom tienga chun a lungril an ṭhuoi kâwipêk ta a, chuongchun, a pa David lungril angin Lalpa a Pathien tienga chun a lungril chu a hung ṭha famkim ta naw a.

INPÂKNA HLABU 125:5

An lampui kâwia pêthai ruok hi chu, Lalpa chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan ta a.

ISAI 1:4

A! hnam suol, khawhlona riktak phur mihai, chithla thil ṭha naw thawtuhai, nau rilotaka khawsa hlakhai an nih. Lalpa chu an mâksan a, Israelhai Mi Inthieng chu an hmusit a, insuktumin an hnungtawl tah.

EZEKIEL 18:24

Nisienlakhawm, mi fel chu a felnaa inthawka ân her hmang a, suolna a thaw chun, mi rilovin a thaw hlak anga tirdakumnahai po po kha a thaw ve chun, a hring ding am a nih? A thilthaw felhai, a lo thaw tahai a ieng ieng khawm kha hriet zing ni ta naw ni a, a bawsietnaa a bawsietna le, a suolnaa a suksuolna chun, chuongahai chun a thi ngei ding a nih.

ZEPHANIA 1:6

Lalpa zuinaa hnungkîrtuhai le, Lalpa chu zawng ngai lo a, ama chanchin khawm indawn ngai lohai chu sukbohmang ka tih.”

MATTHAI 12:45

Chu phingleh a va fe a, ama nêka suol lem khawhri dang pasari a hung ṭhuoi a, chutaka chun an lût a, an um zing hlak a, chu mihriem um dân nuhnung lem chu a hmasa nêkin a hung ṭha naw lem hlak a nih. Chuong ang bawkin tulai ruolthar suol takhai chunga hin la um a tih,” tiin a dawn a.

JOHAN 6:66

Chu phingle chun a închûktirhai tamtak an fe hmang a, ama an pâwl nâwk ta naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang lovin ni raw se. Suol tieng chu theida unla, ṭha tieng chu pawm tlat ro.

DÂN PAHNINA 6:15

Nangni laia um Lalpa in Pathien chu Pathien thîkthusie a nih; Lalpa in Pathien lung chu in chungah inthawk a ta, leihnuoia inthawk hin sukbohmang el rawi a ti cheu.

DÂN PAHNINA 7:3

Anni leh in innei pawl ding a ni nawh; in naunuhmeihai chu an naupasalhai in inneitir ding a ni naw a, an naunuhmeihai khawm in naupasalhai ta dingin in nei ding a ni bawk nawh.

DÂN PAHNINA 7:4

In nauhai tuta mi zuituhai hi, pathien danghai rawngbâwl dingin ṭhuoikawiin um an ta; chun, Lalpa lunginsenna chu in chungah sukchawkin um a ta, sukbohmang vak el a ti cheu.

JOSUA 23:11

Chuongchun, Lalpa in Pathien chu hmangai dingin fimkhur ṭha hle ro.

1 JOHAN 2:9

Mâni unau theida si a, “Varah ka um,” titu chu, tu chen khawm hin inthimah a la um zing a nih.

RORELTUHAI 14:3

A nu le pa ruok chun a kuomah, “I unauhai naunuhmeihai laia manih, ei chihai po po laia hin amanih nuhmei an um dêr naw nîng a ti maw, Philistin mi, sertanlohai laia nuhmei ding i zu zawng el chu?” an ti a. Samson ruok chun a pa kuomah, “Mi neipêk el rawh, ka dit êm i sawnnâwm ie,” a ti a.

RORELTUHAI 3:6

an naunuhmeihai chu nuhmeiin an nei a, chun an naunuhmeihai chu anni naupasalhai an inneitir thung a, an pathienhai rawng chu an bâwl ta a.