JOSUA 23:10 - Pathien Lekhabu Inthieng (BSI)

¹⁰ Nangni laia mi pakhat chun mi sâng khat in hnawt a, in kuoma a lo hril ta angin, Lalpa in Pathien hin a do pêk hlak cheu leiin.

JOSUA 23:10 Iomraidhean Croise

2 SAMUEL 23:8

Hieng hi David sipai huoisenhai hming chu a nih; Takemon mi Joseb-bassebeth chu sipai hotuhai laia hotu tak a na, ama chu ṭum khata mi za riet thattu Aznit mi Adino an ti bawk kha a nih.

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

1 CHANCHIN SUINA 5:22

Mi tamtak chu thatin an um a, indona chu Pathien ta a ni si a. Chun, anni chu an aia chun sala ṭhuoi anni hma po chun an um ta a.

INPÂKNA HLABU 35:1

Aw Lalpa, a mi thawtuhai chu nangin thaw la, A mi dotuhai chu nangin do rawh.

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

FESUOKNA 14:14

Lalpa chun in ta dingin do a ta, nangni ruok chu in um ṭawk ṭawk ding a nih,” a ta.

ISAI 30:17

Mi pakhat ihrâwkin tlân dur dur in tih; a tâwpa chun tlâng sîpa pholêng târ ang le, muol chunga inchikna mâksana um angin la um el in tih.

LEVI DÂN 26:7

In hmêlmahai chu hnawt in ta, in hmaah kawlhnâma thatin um an tih.

LEVI DÂN 26:8

Mi pangain za hnawt in ta, mi zain sîng hnawt in ta; in hmêlmahai chu in hmaah kawlhnâma thatin um an tih.

ZEKARIA 12:8

Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

DÂN PAHNINA 20:3

an kuomah, ‘Aw Israel mihai, hre ro khai, tuhin chu in hmêlmahai in do ding a ni ta a, zâm naw unla, ṭi naw unla, inthin bawk naw ro, anni chu ṭi dêr naw ro;

DÂN PAHNINA 20:4

nangni sandam ding cheu le, in hmêlmahai thawpêk ding cheuin in kuoma um pei chu Lalpa in Pathien a ni si a,’ ti raw se.

DÂN PAHNINA 28:7

In hmêlma nangni thawtuhai cheu chu Lalpain suktlâwmpêk a ti cheu a, a thaw ding cheuin lampui pakhatah hung lût an ta, lampui pasariah tlânsieng an tih.

DÂN PAHNINA 3:22

Anni chu ṭi naw unla; a thawpuitu cheu chu Lalpa in Pathien a ni si a,’ tiin thu ka pêk a.

DÂN PAHNINA 32:20

‘Inbîk hmangsan ka ta, Iengtin am an um hrim hrim,’ a ta. Suon rilo an nih, Ringum lo nauhai.

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, Lalpain anni ân hlân a ni si naw chun?

JOSUA 10:42

chuong lalhai po po le an ramhai chu Lalpa Israelhai Pathien chun Israelhai chu a dopui leiin Josua chun ṭum khata a lâk vawng an nih.

JOSUA 23:11

Chuongchun, Lalpa in Pathien chu hmangai dingin fimkhur ṭha hle ro.

JOSUA 23:3

Lalpa in Pathienin nangni leia hieng hnamhai po po chunga a thaw dân hi in hmu a, Lalpa in Pathien, ama ngeiin a nih a dopêk cheu chu.

RORELTUHAI 15:15

Chun, sabengtung khâkru a tharlâm deu hi a hmu a, a hei ban a, a lâk a, chu chun mi sâng khat a vuok hlum a.

RORELTUHAI 3:31

Chun, ama hnunga chun Anath naupa Samgar a hung inlang ve a, ama chun Philistin mi, mi za ruk sebâwng sunna hmawlin a sun hlum a; ama bawk chun Israelhai chu a sansuok a nih.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.