JOSUA 22:9 - Pathien Lekhabu Inthieng (BSI)

⁹ Chun, Reuben mihai le Gad mihai le Manasse hnam zâtvehai chu an kîr nâwk ta a. Kanaan ram Silo khuoa Israel thlahai kuoma inthawk chun Gilead ram, Lalpain Mosie hmanga thu a lo pêk ta ang khan an chanpuol hrima lo ruotsa tah, chu rama fe ding chun an suok ta a.

JOSUA 22:9 Iomraidhean Croise

2 SAMUEL 2:9

Gilead chunga dâm, Asur mihai chunga dâm, Jezreel chunga dâm, Ephraim chunga dâm, Israel chung po poah lalah a siem ta a.

1 CHANCHIN SUINA 5:9

chun, Gilead rama chun an ran ruolhai chu an pung hle ta leiin vadungpui Euphratesa inthawka saktieng thlalêr lûtna chen khan an hluo ta a.

INPÂKNA HLABU 60:7

Gilead chu ka ta a na, Manasse khawm ka ta a nih; Ephraim khawm chu ka lu humhimna a na, Juda chu ka lalhmawl a nih.

NAMBAR 32:1

Reuben le Gad thlahai chun ram an hau hle a; chun, Jazer ram le Gilead ram an hmu chun, a hmun chu ran ta dinga hmun ṭhatak niin an hriet a;

NAMBAR 32:20

Chun, Mosiein an kuomah, “Chuong anga in thaw a, indonaa Lalpa hmaa fe dinga in inrâlthuom a, a hmaa inthawka a hmêlma hai a hnawt suok a,

NAMBAR 32:22

nakie leh in tieng la fêng in ta, Lalpa chunga le Israelhai chungah inthiemnawna nei lovin in um ding a nih; chuongchun, hi ram hi Lalpa hmaa in hluo ding nîng a tih.

NAMBAR 32:26

Kan nuhmei, kan nau le têhai, kan berâm ruolhai, kan ran ruolhai po po chu Gilead ram khuohaia hin lo um an ta;

NAMBAR 32:29

Chun, Mosie chun an kuomah, “Gad thlahai le Reuben thlahai indo dinga inrâlthuomhai po po hin Lalpa hmaa Jordan vadung an kaipui cheu a, ram chu in inhmin chun Gilead ram chu an hluo dingin in pêk ding a nih;

DÂN PAHNINA 3:18

“Chun, chuong lai chun ‘Lalpa in Pathienin in chanpuol dingin hi ram hi a pêk cheu a nih, Israel thla, in unauhai hmaah in mi huoisenhai po po chu inrâlthuomin hang fe ve raw hai seh.

DÂN PAHNINA 3:20

nangni anga in unauhai chu Lalpain râlmuonga a siem hma le Lalpa in Pathienin Jordan râla ram a pêk chu an hluo ve hmakhat chun; chuongchun, in puol seng dinga ka pêk seng cheua hin in hung nâwk seng ding annâwm,’ tiin thu ka pêk cheu a.

DÂN PAHNINA 34:1

Chun, Mosie chu Moab phaia inthawkin Jeriko zâwna Nebo tlâng, Pisga tlâng sîpa chun a hang lâwn a. Lalpa chun Gilead ram po po, Dan chenin ân entir a;

JOSUA 13:11

chun, Gilead ram le Gesur mihai le Maakat mihai ramri chin le Hermon tlâng po po le Basan ram po po, Salka chenin;

JOSUA 13:25

An ramri chu Jazer le Gilead ram khawpui po po le Ammon mihai ram zâtve, Rabba saka um Aroer chenin,

JOSUA 13:31

Gilead ram zâtve le Basan ram lal Og rama Astaroth dâm, Edrei khuohai leh; chuong chu Manasse nau Makir thla, Makir thla zâtvehai ta dingin, an sûngkuo izir ang peia a ruot a nih.

JOSUA 22:10

Chun, Kanaan ram Jordan biel an va tlung chun Reuben mihai le Gad mihai le Manasse hnam zâtvehai chun Jordan vadung panga chun maichâm lientak el langsârtak hi an siem a.

RORELTUHAI 20:1

Chuongchun, Israel thlahai po po chu an inthawk tâwl ta a, thukhat chelin, Dan khuoa inthawka Beer-seba chenin, Gilead rama mihai leh, Mizpaah Lalpa kuomah an inkhâwm ta a.

RORELTUHAI 5:17

Gilead mihai chu Jordan râlah an um zing a, Dan mihai chu iengdinga lawnghaia an um zing am? Aser mihai chu tuisuoriet pangah an ṭhung ṭawk ṭawk a, An likilkawihaia chun an um zing a.