JOSUA 22:8 - Pathien Lekhabu Inthieng (BSI)

⁸ an kuomah, “In puon inhai tieng chun hausatakin fe ta unla, ran tamtak leh, tangka dâm, rângkachak le dâm, dâr le dâm, thîr le dâm, silfên tamtakhai le dâm, in hmêlmahaia inthawka in râllâkhai kha in unauhai leh insem seng ro,” tiin a hril a.

JOSUA 22:8 Iomraidhean Croise

1 CHANCHIN SUINA 5:9

chun, Gilead rama chun an ran ruolhai chu an pung hle ta leiin vadungpui Euphratesa inthawka saktieng thlalêr lûtna chen khan an hluo ta a.

2 CHANCHIN SUINA 17:5

Chuleiin, Lalpa chun a kuta chun ram chu a tungding a; Juda ram po po chun Jehosaphat kuoma chun thilpêkhai an hung chawi a; chuongchun, hausaknahai le inzâkaina chu nasatakin a nei ta a.

2 CHANCHIN SUINA 32:27

Hezekia chun ropuina le hausakna nasatak el chu a nei a; tangka dâm, rângkachak dâm, lung mantam dâm, riminhnik dâm, phawhai dâm, bûr le bêl ṭha tinrênghai ta dingin siekhâwmna inhai ama ta dingin a siem a;

INPÂKNA HLABU 68:12

Sipaihai lalhai chu an tlânsie an tlânsie a, In nghâktunu chun râllâk sum chu a sem a.

THUVARHAI 3:16

A kut changtieng chun nihai seina chu a um a; A kut vawitieng chun hausaknahai le inzaumna an um bawk a.

NAMBAR 31:27

râllâk sum chu hmun hniah ṭhe unla, indonaa fe indo mihai ta dingin le, pungkhâwmhai ta dingin.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.

1 SAMUEL 30:16

Chun, a zuk ṭhuoi thlâk chun, ngai ta, Philistin ram le Judai rama râllâk tamtak an lâk leiin ruoi an ṭhe a, an fâkin an dâwn a, an lo um dar nei nuoi a.

1 SAMUEL 30:24

Tuin am hi thua hin in thu hi pawm a ta? Indonaa zu fehai chan ang bawk chu thuomhnaw vênga lo umhai chun an chang ve ding annâwm; inang vawnga chang ding a nih,” a ta.