JOSUA 22:4 - Pathien Lekhabu Inthieng (BSI)

⁴ Chuongchun, Lalpa in Pathienin an kuoma a lo hril ta ang khan in unauhai hi tuhin muongna a pêk ta hi: chuleiin, Lalpa siehlaw Mosiein Jordan râla in chanpuol dinga ram a lo pêk ta cheua khan, in puon in tienga chun fe nâwk ta ro.

JOSUA 22:4 Iomraidhean Croise

1 CHANCHIN SUINA 22:18

“Lalpa in Pathien chu in kuomah a um a ni naw am a nih? Kil tin ela chun muongna a pêk cheu a ni naw am a nih? A ram hluotuhai chu ka kutah a hung pêk tâwl ta si a; chun, a ram khawm chu Lalpa le a mihai hmaa chun an intuklût ta si a.

FESUOKNA 33:14

Lalpa chun, “I kuomah fe ve pei ka ta, châwlna pêng ka ti che,” a ti a.

NAMBAR 32:18

Israel mi po poin an hmun hluo ding an hluo hmakhat chu kan in tieng fe naw ning ungah.

DÂN PAHNINA 12:9

Lalpa in Pathienin a pêk cheu ram le châwlna chu in la tlung hri si naw a.

DÂN PAHNINA 29:8

An ram chu ei lâk a, Reuben mihai, Gad mihai, Manasse hnam zâtve hai hluo dingin ei pêk a.

DÂN PAHNINA 3:20

nangni anga in unauhai chu Lalpain râlmuonga a siem hma le Lalpa in Pathienin Jordan râla ram a pêk chu an hluo ve hmakhat chun; chuongchun, in puol seng dinga ka pêk seng cheua hin in hung nâwk seng ding annâwm,’ tiin thu ka pêk cheu a.

HEBRAIHAI 4:8

Josua chun anni chu ân châwltir ta si chun, chu hnunga chun ni dang thu chu hril naw ni.

JOSUA 1:15

Lalpain in unauhai khawm chu nangni ang bawka châwlna a pêka, Lalpa in Pathienin ram a pêk chu anni khawma an hluo ve hmakhat chun; chuongchun, Lalpa siehlaw Mosiein Jordan râl, nisa suokna tieng ram in puola a lo pêk ta cheu tieng chun kîr nâwk in ta, in la hluo ding a nih,” tiin, a hril a.

JOSUA 12:6

Lalpa siehlaw Mosie le Israel nauhai chun chuonghai chu an that a; Lalpa siehlaw Mosie chun Reuben chihai, Gad chihai, Manasse hnam zâtve chu an rochan dingin a sempêk a.

JOSUA 13:15

Reuben thlahai chu an sûngkuo izir ang peiin Mosie chun ram a lo pêk ta a.

JOSUA 13:8

Manasse hnam zâtve danghai le Reuben chihai le Gad chihai chun Jordan râla saktiengah an chanpuol ding Mosiein a lo pêk ta chu an chang a, Lalpa siehlaw Mosiein anni a lo pêk ta ang khan.

JOSUA 22:3

hi chen hin, vawisûn ni chen hin in unauhai chu in thlathlam naw a, Lalpa in Pathienin thaw dinga thu a pêkhai cheu chu in zâwm hlak a.