JOSUA 22:34 - Pathien Lekhabu Inthieng (BSI)

³⁴ Chun, Reuben mihai le Gad mihai chun chu maichâm chu Ed an inbûk a, “Lalpa chu Pathien a lo ni ngei ti ei kâra hin hrietpuitu a ni leiin”, an ta.

JOSUA 22:34 Iomraidhean Croise

INṬANNA 31:47

Laban chun chu lung intieng khâwm chu Jegar-sahadutha ân bûk a; Jakob ruok chun Galeed ân bûk a.

INṬANNA 31:48

Laban chun, “Hi lung intieng khâwm hi vawisûn hin kei le nanga kâra hrietpuitu a ni hi,” a ti a. Chuleiin, a hminga chun Galeed inbûk a ni ta a.

1 LALHAI 18:39

Chun, mipuihai po poin chu chu an hei hmu chun an bawkkhup a, “Lalpa hi a lo nih, Pathien chu, Lalpa hi a lo nih, Pathien chu,” an ta.

ISAI 19:19

Chu nia chun Aigupta ram laia chun Lalpa ta dingin maichâm um a ta, a ramria chun Lalpa ta dingin lungphun um a tih.

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” Lalpain a tih, “Ka um hma chun pathien hrim hrim inngîr an um naw a, ka um hnunga khawm um bawk naw ni hai.

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

JOSUA 22:27

keini le nangni le ei hnunga ei thlahai kâra hrietna ding nîng a ta, chuongchun, kan pumrawhmang thilinhlânhai, kan inthâwina dâm le, kan inremna thilinhlânhai hin Lalpa rawng kan bâwl theina dingin a nih; chuong naw chun in thlahai khawmin nakie tieng kan thlahai kuoma chun LalpaAH chanpuol in nei ve naw ie, hung ti rawi an tih,’ kan ti a nih.

JOSUA 24:27

Chun, Josua chun mipuihai po po kuoma chun, “Ngai ta u, hi lung hi ei thuhretu ni raw se, Lalpain ei kuoma a thuhrilhai po po chu a hriet ta hi; chuleiin, in thuhretu a ni ding a nih, chuong a ni naw chun, Pathien hi inphatsan el rawi in tih,” a ta.