JOSUA 22:22 - Pathien Lekhabu Inthieng (BSI)

²² an kuomah, “Lalpa, pathienhai Pathien, Lalpa, pathienhai Pathien chun a hriet a; Israelhai khawmin hre raw se! Kan maichâm siem hi Lalpa nghatsan tuma hel tumna amanih, thil suksuol tumnaa mania siem kan ni chun, (vawisûn ngei khawm hin mi hla naw el ro)

JOSUA 22:22 Iomraidhean Croise

1 LALHAI 8:39

i umna vâna inthawkin lo ngai la, ngaidam la, châng la, nang an lungril hretu, mi tin an um dân ang peiin inhlawtir la, (nang chu chu, nang chau hi mihriem nauhai po po lungril hretu i ni si a;)

JOB LEKHABU (THE BOOK OF JOB) 10:7

Mi rilo ka ni naw a, I kuta inthawka mi la suok thei tukhawm an um nawh ti hre zing siin?

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

JOB LEKHABU (THE BOOK OF JOB) 31:22

Ka liengko hi darphêka inthawkin tla hlawl sienla, Ka bân hi a ruchânga inthawkin tliek raw se.

INPÂKNA HLABU 136:2

Aw, pathienhai Pathien kuoma chun lâwmthu hril ro, A ngilneina chu kumkhawtluongin a um ding a ni si a.

INPÂKNA HLABU 37:6

I felzie chu var angin insuoktir a ta, I thiemchangzie khawm chu sûnlai ang elin.

INPÂKNA HLABU 40:9

Inkhâwmna ropuitaka chun felna chanchin ṭha ka khêkpui a, Aw Lalpa, ngai ta, Ka bau hi inro naw ning ti i hriet deh.

INPÂKNA HLABU 44:21

Pathienin chu chu a zawng suok naw ding am a nih? Lungril thup rûkhai hi a hriet zing si a.

INPÂKNA HLABU 44:22

Anih, nangma leiin sûnnithlâka thatin kan um hlak a, Berâm that dinghai anga ngai kan nih.

INPÂKNA HLABU 50:1

Iengkimthawthei, Pathien ngei, Lalpa chun thu a hril a, Leihnuoi hi nisa suoknaa inthawka a tlâkna chenin a ko ta a.

INPÂKNA HLABU 82:1

Pathien chu Pathien inkhâwmna siema chun a ngîr a; Pathienhai lai chun ro a rêl a.

INPÂKNA HLABU 95:3

Lalpa chu Pathien ropuitak a ni si a, Pathien po po chungah Lal ropuitak a nih.

INPÂKNA HLABU 97:7

Milim siemfâwmhai rawngbâwltuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

FESUOKNA 18:11

Tuhin pathienhai po po nêkin Lalpa chu a ropui lem ti ka hriet, chapotaka anni an sawisak lai ngeia Aigupta mihai kut hnuoia inthawka a mihai chu a sansuok leiin,” a ti a.

JEREMIA 12:3

Nisienlakhawm, aw Lalpa, nang chun i mi hriet a, i mi hmu a, nanga tienga chun ka lungril chu i fie a, sathattu ta dinga berâmhai ang chun kei suok la, thatna ding nia ang chun anni chu buotsai rawh.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîkthlâk a ni hmakhat chu hlawtling pei a tih.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i puong theizie hmu hrim hin, thurûkhai puongtu chu a ni ngei hi,” a ta.

MIKA 7:9

Lalpa chunga chun thil ka suksuol ta leiin, a lungninawna nasatak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

MALAKI 3:18

Chun, hung kîr tâng in ta, Pathien rawng bâwl mi le a bâwl naw mi, thil khawhlo le thil fel chu thlier tâng in tih,” a ta.

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

THILTHAWHAI 1:24

Chun, an ṭawngṭai a, “Lalpa, Nang mihriem po po lungril hretu, hienghai hi a tu lem am i thlang mîn hriettir la;

THILTHAWHAI 25:11

Mi suol ka nia, thina khawp rau thil thaw ka ni chun, thi khawm ka sêl nawh; nisienlakhawm, hienghai mi hêkna thil hi a bul iengkhawm a um naw chun, tukhawmin an kuomah mi pe thei naw ni hai, Kaisar kuomah intlun ka tih,” a ta.

2 KORINTH 11:11

Ieng leiin am? Ka lunginsiet naw lei cheu am a nih? Ka lunginsiet zie cheu chu Pathienin a hriet.

2 KORINTH 11:31

Lalpa Isu Pathien le Pa, kumkhuoa inpâk tlâka um chun khêl ka hril nawzie chu a hriet.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

DÂN PAHNINA 10:17

Lalpa in Pathien chu pathien-hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni si a.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

JOSUA 22:21

Chuongchun, Reuben mihai le Gad mihai le Manasse hnam zâtvehai chun Israelhai hnam puipa chu an dawn a,

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. Lalpa thu i dit naw leiin ama khawma lal dingin a dit bîk ta naw che a nih,” a ta.

1 SAMUEL 2:3

Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; Lalpa chu varna Pathien a ni si a, Ama chun thilthawhai chu a bûk fie hlak.