JOSUA 22:18 - Pathien Lekhabu Inthieng (BSI)

¹⁸ vawisûn hin Lalpa chu nghat- san in tum el ding maw? Hienga vawisûn hin Lalpa chunga in hel el chun zinga chun Israel mipui po po chungah a lunginsen ngei ding a nih.

JOSUA 22:18 Iomraidhean Croise

2 SAMUEL 24:1

Chun, Lalpa lunginsenna chu Israelhai chungah a ṭuong nawk ta thut a, “Fe la, Israel mihai le Juda mihai tiem vawng rawh,” tiin David chun an pawi tâwk dingin a chawktho a.

1 LALHAI 9:6

Amiruokchu, nangniin amanih, in thlahaiin amanih in mi zui chu in mi kîrsan a, ka thupêkhai le ka thuruothai kân hriettirhai cheu hi in pawm naw a, pathien danghai rawng dâm in va bâwl a, in va biek chun,

2 LALHAI 17:21

Israelhai chu David sûnghai an nina chu a peipêk ta a, chuongchun, Nebat naupa Jeroboam kha lal dingin an siem a, chun, Jeroboam chun Israelhaiin Lalpa an zui chu a lo kuoipêt a, thil suol nasatak ân thawtir a.

1 CHANCHIN SUINA 21:1

Setan chu Israel mihai chunga chun a hung tho a, David chu Israel mihai chu ân tiemtir ta a.

1 CHANCHIN SUINA 21:14

Chuongchun, Lalpa chun Israel chunga chun hri a tir ta a, Israel mihai chu sîng sari an thi a.

2 CHANCHIN SUINA 25:27

Chun, Amazia chu Lalpa zuinaa inthawka ân herhmang china khan chu Jerusalema chun ama chunga phierrûkna an siem a, Lakis tieng chen a tlânse a, amiruokchu, Lakis tieng chun mi an tir pei a, chutaka chun an that ta a.

2 CHANCHIN SUINA 34:33

Chun, Josia chun Israel mihai ihluo ram po poa inthawk chun tirdakumna po po chu a lâk hmang a, Israel rama umhai po po Lalpa an Pathien rawng chu ân bâwltir a. A dam sûng po po chun an thlatuhai Pathien Lalpa zuinaa inthawk chun an pêthmang naw a.

LEVI DÂN 10:6

Mosie chun Aron kuoma le a naupasalhai Eleazar le Ithamar kuoma chun, “A sûnnain in sam inthla naw unla, in puonhai keithlêr bawk naw ro, chuong naw chun thi rawi in ta, mi po po chungah lunginsen rawi a tih; in unauhai Israel sûngkuo pumpuiin Lalpa isêm chawk mei chu sûn lem raw se.

NAMBAR 16:22

Chuongchun, anni chu an bawkkhup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an ti a.

NAMBAR 32:15

Lalpa zui lova in um meu chun annirawi hi thlalêrah ân umtir nâwk el ding a nih. Hieng mihai po po hi in sukbohmang el ding a nih,” a ta.

DÂN PAHNINA 7:4

In nauhai tuta mi zuituhai hi, pathien danghai rawngbâwl dingin ṭhuoikawiin um an ta; chun, Lalpa lunginsenna chu in chungah sukchawkin um a ta, sukbohmang vak el a ti cheu.

JOSUA 22:15

Chun, Reuben mihaihai le Gad mihai le Manasse hnam zâtvehai kuoma chun Gilead ramah an hang fe ta a,

JOSUA 22:16

an kuomah, “Lalpa mipui pungkhâwm po poin, ‘Hi thil suoltak hi iengtiziea Israelhai Pathien chungah thaw am in ni a? Lalpa chu nghatsanin maichâm dâm siemin iengtiziea Lalpa chunga hel am in ni a?

JOSUA 22:20

Zera naupa Akan khan thil pumpêka khan thil a suksuol a, Israel mipui po po chunga khan lunginsenna a tla a ni naw am a ni kha? Ama kha ama bawsietnaa khan ama chau ringawt a bohmang el bik naw kha,’ an ti a ni ie,” an ti a.

JOSUA 7:1

Amiruokchu, Israelhai chun thil inserhai chu an lo bawsiet a. Juda hnama mi Zera naupa Zabdi, chu naupa Karmi, chu naupa Akan chun thil ser ṭhenkhat chu a lo lâk a; chuongchun, Israelhai chunga chun Lalpa lung a lo sen ta a.

JOSUA 7:11

Israelhai hin thil an suksuol a nih; ka thuthlung pawm dinga ka pêk kha an bawsiet a ni hi; thil pumpêk laia ṭhenkhat an lâk bawk a nih; an inrûk a, an ip bawk a, an thuomhnaw lai ngei an thuphmang a nih.

JOSUA 7:21

râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmu a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a ti a.

1 SAMUEL 12:14

Lalpa chu in ṭi a, a rawng in bâwl a, a râwl in ngai a, Lalpa thupêk in helsan naw a, nangni le in chunga rorêltuhai leh Lalpa in Pathien zuituhai in ni chun ṭhang a ta;

1 SAMUEL 12:20

Chun, Samuel chun, mipuihai kuoma chun, “Ṭi naw ro, hi thil ṭha nawtak hi thaw chu in thaw ngei a, amiruokchu, Lalpa in zui chun ama chu pêtsan chuong naw unla, in lungril po poin Lalpa rawng chu bâwl lem ro;