JOSUA 21:1 - Pathien Lekhabu Inthieng (BSI)

¹ Chun, Levi chia mi sûngkuo tin lû tak peihai chu thiempu Eleazar kuoma le Nun naupa Josua kuoma le Israel hnama sûngkuo tin lusahai kuoma chun an va fe a,

JOSUA 21:1 Iomraidhean Croise

INṬANNA 49:7

An lunginsenṭeuna chu ṭawngsephurin um raw se, a ṭium si a. An lung puom hlena chu ṭawngsephurin um raw se, a nunrâwng si a. Jakobrawihai lai chun anni chu thedar ka ta, Israelrawihai lai chun anni chu sukdar ka tih.

FESUOKNA 6:14

Hieng hi an pahnam tin luhai chu an nih: Israel nau lutîr Reuben naupasalhai chu: Hanok, Pallu, Hezron le Karmi: hieng hi Reuben sûngkuohai chu an nih.

FESUOKNA 6:25

Aron naupa Eleazar chun Putiel naunuhmei pakhat chu nuhmeiin a nei a, ama chun Phinehas a neipêk a. An sûngkuohai ang peiin, hieng hi Levi mihai pahnam tin luhai chu an nih.

NAMBAR 35:1

Chun, Jeriko zâwn Jordan vapang, Moab phaia chun Lalpain Mosie a biek a,

NAMBAR 35:8

Israel mihai ihluo khuo i pêk dân ding chu a hnam lien deua inthawk chun pe lien deu i ta; a hnam tlâwm deua inthawk chun pe chîn i ta, pahnam tinin an hluo ram tam dân i zirin a khuo chu Levi mihai a pêk ding a nih,” tiin.

JOSUA 14:1

Hienghai hi a nih Israel nauhaiin Kanaan ram an lâk, thiempu Eleazar hai, Nun naupa Josua hai, Israel nauhai hnam sûngkaw puipahaiin an rochan dinga an lo semhai chu.

JOSUA 17:4

Chun, thiempu Eleazar le Nun naupa Josua le mi lienhai hmaah an fe ve a, “Kan unaupahai laia hin chanpuol mi pe ve dingin Lalpain Mosie kha thu a pêk a nih,” tiin an hril a, chuongchun, Lalpa thupêk angin an pa unauhai laia chun chanpuol a pêk ve ta a.

JOSUA 19:51

Chuonghai chu a nih thiempu Eleazar hai, Nun naupa Josua hai le Israel thlahai hnam sûngkuo upahaiin Siloa Lalpa hmaa inbiekna puon in kawtkhâra an rochan dinga ṭhumvâwra an lo sempêk tahai chu, chuongchun, ram ṭhe chu an zo tah a nih.