JOSUA 2:9 - Pathien Lekhabu Inthieng (BSI)

⁹ chu mihai kuoma chun, “Hi ram hi Lalpain a pêk ta cheu a, in ṭitumna hin a mi del tâwl ta a, hi rama chênghai po po hi in hmaa hin an intui zo tah a nih ti ka hriet a.

JOSUA 2:9 Iomraidhean Croise

INṬANNA 35:5

Chun, an fe a, an vêla khuohai chun an lo ṭi nasa hle a, Jakob naupasalhai chu an hnawt ngam naw a.

2 SAMUEL 17:10

Chuongchun, mi huoisentak, sakeibaknei lungril ang put mi meu khawm lo ṭîng a ta, Israel mi po po hlak chun i pa chu sipai huoitak a ni le a kuoma mi umhai chu mi huoisentak tak an ni ti an hriet vawng si a.

2 LALHAI 5:15

Chun, Pathien mi kuoma chun ama le a ruolhai po po leh an hung kîr nâwk a, a hmaa chun a ngîr a; ama chun, “Tuhin ngai ta, hnuoi chung po poah, Israel rama chau naw hin chu Pathien a um nawh ti ka hriet tah; chuleiin, tuhin ka ngên che a nih, i siehlaw thilpêk hi la rawh,” a ta.

2 LALHAI 7:6

Lalpain Suria sipaihai chu tawlailîr ri dâm, sakawr ri dâm, sipai tamtak ri dâm ân hriettir a nih, chuongchun, “Ngai ta u, Israel lal hin, Hit lalhai, Aigupta lalhai hi eini mi thaw ding hin a hung ruoi a ni hi,” tiin an inbiek a.

NEHEMIA 6:16

Chun, kan hmêlmahai po poin chu chu an lo hriet chun, kan vêla hnam danghai chun an ṭi ta a, chan se ta hlein an inhriet a, sin chu kan Pathien thaw a nih ti an hriet ta si a.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve ta a; an chunga chun Juda mihai ṭitna chu a tlung ta si a.

JOB LEKHABU (THE BOOK OF JOB) 19:25

Amiruokchu, ka tlantu chu a hring a nih ti ka hriet a, A tâwpa chun hnuoi chunga hin la ngîr ngei a tih.

INPÂKNA HLABU 112:10

Mi rilo chun chu chu hmûng a ta, lunginsen a tih, A ha râwt a ta, intuihmang a tih: Mi rilohai dit zâwng chu bohmang a tih.

INPÂKNA HLABU 115:16

Vânhai khi Lalpa vânhai a na, Leihnuoi ruok hi chu mihriem nauhai kuomah a pêk a nih.

FESUOKNA 18:11

Tuhin pathienhai po po nêkin Lalpa chu a ropui lem ti ka hriet, chapotaka anni an sawisak lai ngeia Aigupta mihai kut hnuoia inthawka a mihai chu a sansuok leiin,” a ti a.

FESUOKNA 23:27

Ka ṭitumna chu i hmaah tir ka ta, mi an kuoma i hungna dinghai chu sukbohmang ka ta, i hmêlmahai chu hnung innghat ding chein siem ka tih.

THUHRILTU 8:12

Mi suol chun thil ṭha naw vawi za thawin a dam sûng nihai chu suksei tho sien khawm; matheilovin, Pathien ṭituhai ta ding chun, ama hmaa an ṭi leiin, a ṭha ding a nih ti ka hriet a;

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 23:5

Thuthang chu Aigupta ram a tlung pha chun Tura thuthang chu nasatakin invawi an tih.

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk ta a.

NAHUM 2:10

Sukruokin a um a, sukrêm a ni a, suksiet dêr a nih, lungril chu ân tuihmang a, khûphai chu ân vuoktuo a, kâwng po po chu a na ngawi ngawi a, an rênga hmêl chu a dâng zo vawng a nih.

NAMBAR 20:14

Mosie chun Kadesa inthawk chun Edom lal kuomah mi a tir a, “I unaupa Israel chun hieng hin a tih, ‘Kan chunga tuorna hung tlung po po hi i hriet a;

NAMBAR 20:24

Meriba tuia dâm khan ka thu kalin in hel lei khan Israel mipuihai ka pêk rama chun a lût naw ding a nih.

MATTHAI 20:15

Ka ta nâknâk chu ka nuom ang anga ka thaw a thieng naw am a nih? Annawleh, kei ka ṭhat leiin nangin i thîk am a nih?’ tîn a dawn a.

DÂN PAHNINA 11:25

Tukhawm in hmaah ngîr thei naw ni hai a; Lalpa in Pathienin in kuoma a hril ta ang khan in va sir ding ram po poa chun nangni ṭina le ṭiumna inumtir a tih.

DÂN PAHNINA 2:25

Vawisûn hin vânkhuphnuoia hnam tin chunga chun nangma ṭina le ṭitumna in um ṭantir ka ta, i chanchin lo hrieng an ta, inthin an ta, nangma leiin lungngaitakin um an tih,’ tiin.

DÂN PAHNINA 28:10

Chuongchun, khawvêl hnam tinin Lalpain a ta dinga a thlang cheu a nih ti hrieng an ta, ṭîng an ti cheu.

DÂN PAHNINA 32:8

A Chunghnungtak chun hnamhai ram a pêk laia, Mihriem nauhai a ṭhe lai khan, Hnamhai ramri chu a khang a, Israel mihai zât ang peiin.

HEBRAIHAI 11:31

Ringnain Rahab nawchizawr kha awi nawhai lai a bohmang ve ta naw a, enthlatuhai chu tlangtaka a lâwm leiin.

JOSUA 2:11

Chu chu kan lo hriet phingleh kan lungrilhai chu ântui zo a, nangni lei hin, mi tukhawm lungril mumal put hrim hrim hi an um naw a, Lalpa in Pathien chu chungtieng vâna le hnuoitieng hnuoiah Pathien a ni si a.

JOSUA 2:24

Chun, Josua kuoma chun, “Lalpain a ram pumpui chu ei kutah a lo pêk takmeu el; chu chau khawm chu a ni naw a, chu rama chênghai po po chu eini, mi ṭiin an thi dang el a nih,” an ta.

JOSUA 2:8

An zâl hma chun in chunga chun an kuomah a hang fe a,

JOSUA 5:1

Chun, Jordan vadung thlang tienga um Amorhai lalhai po po le, Mediterranean tuipui panga um Kanaan ram lal po pohai chun, an kai hmakhat chun Lalpain Jordan tuihai chu Israelai hmaa chun a sukkangpêk ti an lo hriet a, Israel mihai lei chun an lungril chu ân tui zo ta a, annia chun lungril mumal hrim hrim a um ta naw a.

JOSUA 6:2

Chun, Lalpain Josua kuomah, “En ta, Jeriko le a lal le mi hrât huoisenhai hi i kutah ka pêk tah.

JOSUA 9:10

Jordan vadung râla Amor mihai lal pahnihai Hesbon ram lal Sihon hai dâm, Basan ram lal Astaroth khuoa um Og hai dâm chunga a thilthaw po pohai kha kan hriet si a.

JOSUA 9:24

Anni chun Josua chu an dawn a, “Lalpa i Pathien a siehlaw Mosie khan ram pumpui hi pe cheua in hmaa a ram hluotu um po pohai hi sukbohmang pei ding a nih ti thu a lo pêk kha i siehlawhai hi an lo hril chieng êm a; chuleiin, nangni leiin kan hringna hi chân kan inlau êm a, hieng ang hin kan lo thaw el a nih.

JOSUA 9:9

Anni chun a kuomah, “Lalpa i Pathien hming leiin i siehlawhai hi ram hlataka inthawka hung kan nih, a hming inthangzie dâm, Aiguptaa a thilthaw po po dâm,

RORELTUHAI 7:14

Chun, a ruolpa chun a dawn a, “Chu chu Israel mi Joas naupa Gideon kâwlhnâm a ni el chu; Pathienin Midianhai po po le sipaihai po po chu a kutah a pêk a ni el chu teh,” a ti a.