JOSUA 2:24 - Pathien Lekhabu Inthieng (BSI)

²⁴ Chun, Josua kuoma chun, “Lalpain a ram pumpui chu ei kutah a lo pêk takmeu el; chu chau khawm chu a ni naw a, chu rama chênghai po po chu eini, mi ṭiin an thi dang el a nih,” an ta.

JOSUA 2:24 Iomraidhean Croise

FESUOKNA 15:15

Tuhin Edom lalhai chu an lunginzîng a, Moab mi hrâthai chu inthinnain a man a, Kanaan hluotuhai po po chu an intui zo ta a.

FESUOKNA 23:31

Tuipui Sena inthawka Philistin tuipui chen le, thlalêra inthawka Euphrates vadung chenin i ramri chu khang ka ta; a ram hluotuhai chu i kutah ka pêk ding che a ni si a; chun, nangin i hmaa inthawkin hnawt suok i tih.

THUVARHAI 25:13

Ama tirtu ta dinga thangko ringum chu Busîk huna vûr deitak ang el hi a nih; A hotuhai lungril chu a sukhar hlak si a.

JOSUA 1:8

Hi dân bu hin i bâu chu suoksan hlek naw sienla, chu thu ziekhai po po chu i zâwm tlat theina dingin sûn le zânin i ngaituo ding a nih, chuongchun, i lampuihai chu suktluong pei i ta; i hung tluongtlung pei ding a nih. Thu ka pêk che a ni naw am a nih?

JOSUA 2:23

Chuongchun, mi pahnihai chu an kîr nâwk a, tlânga inthawk chu an fe thla a, Jordan vadung an kai a, Nun naupa Josua kuom chu an va tlung a, an chunga thil hung tlung po po chu an hril ta a.

JOSUA 5:1

Chun, Jordan vadung thlang tienga um Amorhai lalhai po po le, Mediterranean tuipui panga um Kanaan ram lal po pohai chun, an kai hmakhat chun Lalpain Jordan tuihai chu Israelai hmaa chun a sukkangpêk ti an lo hriet a, Israel mihai lei chun an lungril chu ân tui zo ta a, annia chun lungril mumal hrim hrim a um ta naw a.

JOSUA 6:2

Chun, Lalpain Josua kuomah, “En ta, Jeriko le a lal le mi hrât huoisenhai hi i kutah ka pêk tah.

JOSUA 8:1

Lalpa chun Josua kuomah, “Ṭi naw la, zâm bawk naw rawh, râlkâp mi po po i kuomah ṭhuoi la, tho la, Ai khuoah hang fe rawh; ngai ta, Ai khaw lal le, a mihai le, a khuo le a ram chu i kutah ka pêk tah.

RORELTUHAI 1:2

Lalpa chun “Juda hang fe raw se, ngai ta u, a kutah ram chu ka pêk tah a nih,” a ti a.

RORELTUHAI 18:10

In hang fe phawt chun râlmuonga um mihai a nih in hang hmu ding, a ram hlak chu a lien si a, Pathienin a pêk ta cheu a nih, hnuoia thil um chu iengkhawm tlâksam hlek lona hmun a nih,” an ti a.

RORELTUHAI 7:9

Chu zâna chun Lalpain a kuomah, “Tho la, kula chun zu fe raw khai, i kutah ka pêk ding che a nih: