JOSUA 2:14 - Pathien Lekhabu Inthieng (BSI)

¹⁴ Mihai chun amanu kuoma chun, “Kan thilthaw hi i hril suok naw ding chun in thi ai thîng kan tih. Lalpain ram hi a mi pêk pha chun lunginsiet chein, i chungah ringumtakin thâwng kan tih,” an ta.

JOSUA 2:14 Iomraidhean Croise

INṬANNA 24:49

Chuongchun, tuhin, ka pu in lunginsiet a, a chungah thaw tak taka in thaw ding chun mi hril ro; in thaw naw ding khawmin mi hril bawk ro; chuongchun, ka thaw dân ding hre thei ka tih,” a ta.

INṬANNA 47:29

Chun, Israel thi hun ding chu a hung hnai ta a; chuongchun, a naupa Josef chu a ko a, a kuomah, “I mi lunginsiet thei chun, lunginsiettakin i kut kha ka êlpui hnuoiah rawl la, ka chungah thuzâwmtak le indiktaka thaw dingin intiem rawh. Aiguptaa hin mi phûm lul naw rawh.

2 SAMUEL 2:5

Chuongchun, Jabes-gilead mihai kuoma chun David chun mi a tir a, an kuomah, “In lalpa Saula chu hi lunginsietna hi suklangin ama chu in lo phûm ta leiin Lalpa chun malsâwm raw se cheu.

2 SAMUEL 2:6

Chuongchun, Lalpa chun in chungah zainêmna le thutak inlangtir sienla, hieng thil in thaw lei hin kei khawma in lunginsietna man chu thung ka ti cheu.

2 SAMUEL 9:1

Chun, David chun, “Jonathan leia lunginsietna kân langtir theina dingin Saula sûnghai laia mi um an la um am aw?” a ta.

1 LALHAI 20:39

Chun, lal a hung tlung chun lal chu a lo ko a, “I siehlaw hin indona rûnpui hmunah ka va fe a; chun, ngai ta, mi pakhat hi a hung ngha a, ka kuomah mi pakhat a hung ṭhuoi a, ‘Ama hi lo vêng tlat rawh, a tlânhmang hlau chun a hringna aiah i hringna chân i tih, annawleh tangka talent khat i pêk ding a nih,’ a ta.

THUVARHAI 14:22

Thil ṭha naw rawt suoktuhai chun an suksuol a ni naw am a nih? Thil ṭha rawt suoktuhai kuoma ruok chun thutak le lunginsietna um a tih.

THUVARHAI 18:24

Ruolhai tamtak siemtu chun ama sietna ding el a thaw a nih, Amiruokchu, ruol unau nêka hnai lema kawp tlat chu a um a nih.

MATTHAI 5:7

“Mi chunga zângaitheitakhai chu an hamṭha; zângaina an la hlaw ding a ni si a.

THILTHAWHAI 23:22

Chun, sipai hotu laltak chun tlangvâl chu ân fetir a, “Hieng thu hi i mîn hriettir tah ti tukhawm hril naw rawh,” a ta.

JOSUA 2:13

ka nu le ka pa le ka unaupahai le ka unaunuhai le an neihai po po leh, thinaa inthawkin kan hringna chu sansuok ngei dingin,” a ta.

JOSUA 2:15

Chuongchun, tukvera chun hruihruolin a thlâk thla ta a; a in chu khawpui kul tlânga um a ni si a, kul chunga chun a um a nih.

JOSUA 6:17

Khawpui hi a sûnga thil um po po pumin suksiet dinga Lalpa kuoma pumpêk vawng ding a nih; Rahab nawchizawr chau, ama le a in sûnga ama le um po pohai ruok chu ei mi tirhai kha a lo thuphmang leiin hla ding a nih.

JOSUA 6:22

Chun, Josua chun mi pahni ram va enthlatuhai kuoma chun, “Nâwchizawr ina chun va lût unla, a kuoma ṭawng in lo inkhâm ta ang khan chu nuhmei chu a nei po po leh va ṭhuoi suok ro,” a ta.

JOSUA 6:25

Amiruokchu, Rahab nawchizawr le a nei po po le a pa sûnghai chu Josua chun a hla vawng a; chuongchun, Israelhai lai chun tu chen hin a la ṭhang ta zing a nih, Josuain Jeriko khuo enthla dinga a tirhai kha a lo thuphmang leiin.

1 SAMUEL 20:8

Chuleiin, i siehlaw hi ṭhatakin thaw la, i siehlaw chu Lalpa thuthlungah i lûtpui ta si a; amiruokchu, bawsietna nei ka ni chun nangin mi that law law el rawh, iengdingin am i pa kuoma chun mi ṭhuoi kher kher i ta?” a ta.