Biblia Todo Logo
Bìoball air-loidhne

- Sanasan -




JOSUA 18:12 - Pathien Lekhabu Inthieng (BSI)

12 Hmârtieng panga an ramri chin chu Jordana inthawkin a na; chun, ramri chu Jeriko sîrah hmârtieng pangah a hang fe pei a, thlangtieng panga chun tlâng ramah a hang fe pei a, ramri tâwpna chu Beth-aven thlalêrah a nih.

Faic an caibideil Dèan lethbhreac




JOSUA 18:12
11 Iomraidhean Croise  

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.


Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “Lalpa a hring zing angin” tiin inkhâm bawk naw ro.


Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!


Chun, Josef thlahai chanpuol chu, Jeriko zâwn, Jordana inthawkin thlalêr kâwl, saktieng panga Jeriko tuiahai chun a suok a; Jerikoa inthawk chun tlâng ramah Bethel chenin a hang fe pei a;


Ṭhumvâwr chu Benjamin thlahai hnam an sûngkuo izir ang peiin an chungah a tla ta a; chun, an ramri chin chu Juda thlahai le Josef thlahai inkâr kha a nih.


Chun, Nun naupa Josua chun, Shittima inthawk chun mi pahni arûkin enthlatu dingin a tir a, “A ram le Jeriko khuo dâm chu va en vêl ta u,” tiin. Chun, an va fe a, nawchizawr pakhat a hming Rahab inah an va lût a, chutaka chun an tlung ta a.


saktienga inthawka tui hung luong thla lai chu a ngîr ta a, hla reiah, Zarethan ram bula Adam khuoa chun a lo inhlawm ngîr ûr el ta a; chun, Araba tuipui, Tuipui thi chu, chu tienga luong lûthai khawm chu suktan vawng an ni ta a; chuongchun, mipuihai chu Jeriko khuo zawn taka chun an kai ta a.


Jeriko khuo chu Israel mihai lei chun an khâr tlat a, tukhawm an suok naw a, tukhawm an lût bawk nawh.


Chun, Josua chun Jeriko khuoa inthawk chun Bethel saktieng, Beth-Aven dep Ai khuoa chun mihai a tir a, an kuomah, “Hang fe unla, ram hang enthla ta u,” tiin a hril a. Mihai chu an hang fe a, Ai khuo chu an hang enthlâk ta a.


Josua le Israel mihai po po chu tlâwm ni âwmtakin an um a, thlalêr tienga lampuia chun an tlân ta a.


Chun, Philistin mihai chu Israelhai do ding chun an pungkhâwm ta ṭeu el a, tawlailîr sîng thum, sakawr chung chuong mi sâng ruk, sipai chu tuipui kama phaiphin zât zet an nih; chun, an hang fe a, Beth-aven saktieng panga Mikmasa chun ṭhanghmun an khuor a.


Lean sinn:

Sanasan


Sanasan