JOSUA 18:1 - Pathien Lekhabu Inthieng (BSI)

¹ Chun, Israel mipui pungkhâwmhai po po chu Silo khuoah an inkhâwm ta a, chutaka chun inbiekna puonin an zar a; ram chu an thu hnuoiah a hung um ta a.

JOSUA 18:1 Iomraidhean Croise

2 SAMUEL 7:6

Israel mipuihai Aigupta rama inthawka ka ṭhuoi suoka inthawkin tuchen hin inah ka um ngai naw a, puon ina le biekbûkah ka um pei lem hlak a.

1 LALHAI 14:2

Chun, Jeroboam chun a nuhmei kuomah, “Tho la, Jeroboam nuhmei a nih ti an hriet nawna ding chein insukdanglam la, Silo-ah va fe ta khai; ngai ta, chutaka chun zâwlnei Ahija, hieng mihai chunga lala ka la um dingzie, ka chungchâng thu hriltu kha a um ie.

1 LALHAI 14:4

Chun, Jeroboam nuhmei chun chuong ang chun a thaw a, a tho a, Silo-a chun a fe a, Ahija ina chun a va fe ta a, Ahija chun khuo khawm a hmu thei ta naw a, a upat leiin a mit ân thim si a.

1 LALHAI 2:27

Chuongchun, Solomon chun Abiathar chu Lalpa thiempu a nina chu a bân ta a; Lalpain Silo khuoa Eli sûnghai chungchâng thu a hril kha ân tlungtir theina dingin.

NEHEMIA 9:24

Chuongchun, an thlahai chun ram chu an hluo ta a, chun, nangin chu rama um Kanaan mihai chu an hmaah i suktlâwm a, an nuom nuom an law dingin an lalhai le chu rama mihai le chun an kutah i pêk a.

INPÂKNA HLABU 78:60

Chuongchun, Silo biekbûk, Mihriem laia a puon in sie chu, a mâksan a.

INPÂKNA HLABU 78:66

Ama dotuhai chu a vuok kîr a, Kumkhaw hmingsietna ân hlawtir ta a.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 26:9

Iengdinga Lalpa hminga thu hrila, ‘Hi in hi Silo ang nîng a ta, hi khawpui hi hluotu um lova rausan nîng a tih,’ i ti am a na?” an ti a. Chuongchun, Lalpa ina chun Jeremia chu mipui po po chun an bâwr ta hut hut a.

JEREMIA 41:5

Mi ṭhenkhat Sekema inthawk dâm, Siloa inthawk dâm, Samaria inthawk dâmin mi sâwmriet zet, an khâkhmul vawa, an puonhai keithlêra, anni le anni chu inât a, an kuta bu thilinhlânhai le riminhnikhai chawiin, Lalpa ina hung inhlân dingin an hung ta a.

NAMBAR 32:22

nakie leh in tieng la fêng in ta, Lalpa chunga le Israelhai chungah inthiemnawna nei lovin in um ding a nih; chuongchun, hi ram hi Lalpa hmaa in hluo ding nîng a tih.

THILTHAWHAI 7:45

Chu bawk chu ei thlatuhai thla nâwk khawmin an nei sâwng pei a, Pathienin ei thlatuhai hmaa Jentail a hnawt suokhai ram an hluo lai khan Josua lût ruolin an lûtpui a; David hung um chen khan chutaka chun a um ta zing a.

JOSUA 18:2

Israel thlahai lai chun an chanpuol la pêk ve lo hnam sari an la um a.

JOSUA 18:8

Chuongchun, chuong mihai chu an inthawk suok ta a, chun, ram chanchin va ziek suok dinghai chu Josua chun, “Ram chu va fang unla, hung ziek suok unla, ka kuomah hung intlun nâwk unla, hitaka Silo khuoa hin Lalpa hmaah ṭhum vâwrpêk ka ti cheu,” tiin thu a pêk a.

JOSUA 19:51

Chuonghai chu a nih thiempu Eleazar hai, Nun naupa Josua hai le Israel thlahai hnam sûngkuo upahaiin Siloa Lalpa hmaa inbiekna puon in kawtkhâra an rochan dinga ṭhumvâwra an lo sempêk tahai chu, chuongchun, ram ṭhe chu an zo tah a nih.

JOSUA 21:2

Kanaan rama khawpui Silo khuoa chun, “Lalpain Mosie hmangin kan umna ding khawpuihai, kan ran tlatna ding a khawkâwl vêl leh mi pe dingin thu a lo pêk kha a ni ie,” tiin an hril a.

JOSUA 22:12

Chun, chu chu Israel thlahai chun an lo hrietin Israel mipui po po chu anni hang do ding chun Silo khuoa chun an inkhâwm ta a.

JOSUA 22:19

Amiruokchu, in ram hluo hi ân thieng naw a ni chun, Lalpa ram sûng, Lalpa biekbûk umna hmunah hung ve el unla, keini lai um ve el ta unla; amiruokchu, Lalpa kan Pathien maichâm ti naw chu, maichâm dang siem chun chu Lalpa chungah hel naw ro; chun, kan chunga khawm hel naw ta unla.

JOSUA 22:9

Chun, Reuben mihai le Gad mihai le Manasse hnam zâtvehai chu an kîr nâwk ta a. Kanaan ram Silo khuoa Israel thlahai kuoma inthawk chun Gilead ram, Lalpain Mosie hmanga thu a lo pêk ta ang khan an chanpuol hrima lo ruotsa tah, chu rama fe ding chun an suok ta a.

RORELTUHAI 18:31

Chuongchun, Silo khuoa Pathien in a um sûng po chun an inngîr ta a.

RORELTUHAI 21:12

Chun, Jabes-gilead rama umhai lai chun nunghâk za li, pasal la pâwl ngai hleklo an hmu a, chuonghai chu Kanaan rama an inkulna Siloa chun an hung ṭhuoi a.

RORELTUHAI 21:19

Nisienlakhawm, ngai ta u, Bethel hmar tieng, Bethela inthawka Sekem fena lamlien saktieng panga Lebanon sim tienga um Siloah kum tin Lalpa ta dinga ruoiṭhe a um hlak kha,” an ti a.

1 SAMUEL 1:24

Chun, nêne nêk ân bântir phing chun beiphit epha khat le uoin saidawiûm khat chawiin sebâwng pathum leh a hang ṭhuoi a, Silo khuoa Lalpa ina chun a fepui a; naupang chu a la naupang hle a.

1 SAMUEL 1:3

Chun, ama chu an khuoa inthawkin Silo khuoah sipaihai Lalpa chu be dingin kum tin a hang fe hlak a. Chutaka chun Eli naupasalhai pahni, Hophni le Phinehas, Lalpa thiempuhai chu an um a.