JOSUA 17:4 - Pathien Lekhabu Inthieng (BSI)

⁴ Chun, thiempu Eleazar le Nun naupa Josua le mi lienhai hmaah an fe ve a, “Kan unaupahai laia hin chanpuol mi pe ve dingin Lalpain Mosie kha thu a pêk a nih,” tiin an hril a, chuongchun, Lalpa thupêk angin an pa unauhai laia chun chanpuol a pêk ve ta a.

JOSUA 17:4 Iomraidhean Croise

NAMBAR 27:1

Chun, Josef naupa Manasse thla, Manasse naupa Makir, ama nau Gilead, ama nau Hepher naupa Zelophehad naunuhmeihai chu an hung a; a naunuhmeihai hming chu Mahla, Noa, Hogla, Milka le Tirza an nih.

NAMBAR 27:4

Naupasal nei naw lei elin iengdingin am kan pa hming chu a thlahai laia chun bo el a ta? Kan pa unauhai lai chanvo mi pe ve ro,” an ta.

NAMBAR 36:10

Chun, Lalpain Mosie chu thu a pêk ang charin Zelophehad naunuhmeihai chun an thaw a.

GALATI 3:28

Chutaka chun Juda mi an um thei naw a, Grik mi khawm an um thei bawk nawh; suok an um thei naw a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni si a.

JOSUA 14:1

Hienghai hi a nih Israel nauhaiin Kanaan ram an lâk, thiempu Eleazar hai, Nun naupa Josua hai, Israel nauhai hnam sûngkaw puipahaiin an rochan dinga an lo semhai chu.

JOSUA 17:5

Chuongchun, Jordan râla Gilead le Basan ram tiem lovin Manasse chanpuolah hmun sâwm a tlu a;

JOSUA 21:1

Chun, Levi chia mi sûngkuo tin lû tak peihai chu thiempu Eleazar kuoma le Nun naupa Josua kuoma le Israel hnama sûngkuo tin lusahai kuoma chun an va fe a,