JOSUA 17:11 - Pathien Lekhabu Inthieng (BSI)

¹¹ Issakar le Aser rama chun Manasse chun Beth-sean le a sîrvêl khuohai, Ibleam le a sîrvêl khuohai, Dora umhai le a sîrvêl khuohai, En-dora umhai le a sîrvêl khuohai, Taanaka umhai le a sîrvêl khuohai, Megiddoa umhai le a sîrvêl khuohai, zo khawsâng pathumhai chu a nei a.

JOSUA 17:11 Iomraidhean Croise

2 SAMUEL 21:12

Chun, David chu a fe a, Philistin mihaiin Gilboaa Saula an that nia Philistin mihaiin Beth-san muol laia an khai inrutu, Jabes- Gilead mihai kuoma inthawkin Saula ru le a naupa Jonathan ruhai chu a lâk a.

1 LALHAI 9:15

Lal Solomonin sinthawa ruoi lui pâwl a siemna san chu hi hi a nih; Lalpa in le ama in bâwltu ding le, Millo dâm, Jerusalem kul dâm, Hazor khuo dâm, Megiddo khuo dâm, Gezer khuo dâm siemtu dingin a nih.

2 LALHAI 9:27

Nisienlakhawm, Juda lal Ahazia chun chu chu a hmu chun Beth-haggan tieng a tlân ta a. Chun, Jehu chun a hnawt a, “Ama khawm tawlailîra khan that nghâl ro,” a ta. Chuongchun, Ibleam khaw kâwl, Gur hang fenaa chun an kâp hliem a. Chun, Megiddo khuoah a tlân lût a, chutaka chun a thi ta a.

1 CHANCHIN SUINA 6:70

Manasse hnam zâtve chanpuola inthawk chun: Aner, a vêl khuohai leh, Bileam, a vêl khuohai leh, Kohath naupasalhai pahnam danghai ta dinga pêk a na;

1 CHANCHIN SUINA 7:29

chun, Manasse thlahai ramri tienga chun Beth-sean le a khawperhaiah, Taanak le a khawperhaiah, Megiddo le a khawperhaiah, Dor le a khawperhaiah. Hienghaia hin Israel naupa Josef thlahai chu an um a nih.

2 CHANCHIN SUINA 35:22

Nisienlakhawm, Josia chun ama chu a kîrsan chuong naw a, ama chu a do ngei theina dingin, ân sukdanglam a; Pathien baua inthawka Neko thu chu a ngaisak naw a, ama chu Megiddo ruoma do ding chun a suok ta a.

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

JEREMIA 49:2

Chuleiin, ngai ta u, nihai chu a hung tlung mêk, Lalpa chun a tih: Ammon thlahai Rabba chunga chun indona ṭhâwnglâwk ri chu hriet ngei dingin inumtir ka ta; chuongchun, râusan hmun pâwng el hung nîng a ta; a naunuhmeihai chu meiin kâng an tih; chuongchun, ama lo neitu chu Israel chun nei ve thung a ta, Lalpa chun a tih.

ZEKARIA 12:11

Chu ni chun, Megiddo ruoma Hadad-rimmon ṭa angin, Jerusalema chun nasataka sûnna um a tih.

JOSUA 11:2

hmartienga tlâng ram lalhai dâm, Kinneroth simtienga Araba lal hai, phai ram lal hai dâm, thlangtieng panga Dor tlâng sâng lal hai,

JOSUA 12:21

Taanak lal pakhat; Megiddo lal pakhat;

JOSUA 12:23

Dor tlâng sang Dor lal pakhat; Galilia Goiim lal pakhat;

JOSUA 16:9

Manasse thlahai chanpuol laia Ephraim thlahai ta dinga khawpui ruot hranpêkhai leh, a khawpuihai po po le a khuo chînhai le chun.

JOSUA 17:10

Simtieng pang chu Ephraim ta a na, hmârtieng pang chu Manasse ta a na, Mediterranean Tuipui chu a ramri a nih, hmârtienga chun Aser chenin a va ni a, saktienga chun Issakar chenin a hang nih.

JOSUA 17:16

Josef nauhai chun, “Tlâng ram hi kan ta dingin a hun naw a nih, phai rama Kanaan mi chênghai po po, Beth-sean le a khawpuia umhai le Jezreel ruoma umhai hin thîr tawlailîr an nei seng si a,” an ti a.

RORELTUHAI 1:27

Manasse chun Beth-sean le a khaw chinhaia umhai, Taanak le a khaw chinhaia umhai, Dor le a khaw chinhaia umhai, Ibleam le a khaw chinhaia umhai, Megiddo le a khaw chinhaia umhai chu a hnawt suok naw a; chu rama chun Kanaan mihai chu an um zing ta lem a.

RORELTUHAI 5:19

Lalhai chu an hung a, an do a, Chuongchun, Kanaan lalhai chun Megiddo tui kâwl Ta-anaka chun an do a; Râllâk sum hrim an lâk nawh.

1 SAMUEL 28:7

Chuongchun, Saula chun a siehlawhai kuoma chun, “Khawhri aisânthiem zâwl nuhmei a kuoma ka fea ka râwn dingin mi zawngpêk ro,” a ta. Chun, a siehlawhai chun a kuomah, “Ngai ta, Endor khuoah khawhri aisânthiem zâwl nuhmei a um annaw,” an ta.

1 SAMUEL 31:10

A râlthuom chu Astaroth inah an sie a, a ruong chu Bethsan kul banga chun an târ a.

1 SAMUEL 31:12

mi huoisenhai po po chu an tho a, zânkhawvârin an fe a, Saula ruong le a naupasalhai ruong Beth-san kul banga inthawk chun an lâk a; chun, Jabes an hung tlung a; chutaka chun an raw a.