JOSUA 14:4 - Pathien Lekhabu Inthieng (BSI)

⁴ Josef thlahai chu hnam hni an na, Manasse le Ephraim chu; Levi chihai chu chu rama chun chanpuol an pêk ve nawh, an umna ding khawpuihai le a khawkâwl vêl ran ruol tlatna hmun ding ti chau naw chu.

JOSUA 14:4 Iomraidhean Croise

INṬANNA 41:51

Josef chun a nau lutîr hminga chun Manasse a sak a, “Pathienin kân rimna po po le ka pa sûnghai chu a mîn theinghiltir ta si a,” a ta.

INṬANNA 41:52

Chun, a nau pahnina hminga chun Ephraim a sak a, “Pathienin ka rinum tuorna rama hin chi a mîn thlatir ta si a,” a ta.

INṬANNA 46:20

Josef chun Aiguptaah naupasal Manasse le Ephraim chu a nei a, chuhai chu On khaw thiempu Potiphera naunu Asenathin ama a neipêk a nih.

INṬANNA 48:1

Chun, chuong hnunga chun, Josef kuomah, “Ngai ta, i pa a dam nawh ie,” an ti a: chuongchun, a naupasalhai pahni, Manasse le Ephraim chu a ṭhuoi a.

INṬANNA 48:5

Chun, i naupasalhai pahni, Aiguptaa i kuoma ka hung hmaa i neihai hi, ka ta an nih: Ephraim le Manasse hi, Reuben le Simeon ang bawkin ka ta nîng an tih.

INṬANNA 48:6

Anni hnunga nau i neihai chu i ta nîng an ta, an ro chana chun an uhai hming chu inṭâwmpui el an tih.

2 CHANCHIN SUINA 30:1

Hezekia chun Israel Pathien Lalpa fekân ruoiṭhe chu hmang dingin Jerusalema Lalpa ina chun in hung ding a nih tiin Israel le Juda mihai po po kuomah mi a tir a, chun, Manasse le Ephraim mihai kuoma khawm lekha a ziek bawk a.

NAMBAR 26:28

An pahnam indawt dân ang peia Josef thlahai: Manasse le Ephraim;

JOSUA 16:4

Chuongchun, Josef nauhai Manasse le Ephraim chihai chun chanpuolah an nei a.