JOSUA 14:3 - Pathien Lekhabu Inthieng (BSI)

³ Mosie chun hnam hni le hnam zâtvehai kha Jordan râla khan an rochan ding a lo pêk ta si a; Levi chihai ruok chu anni lai an rochan ding a pêk ve nawh.

JOSUA 14:3 Iomraidhean Croise

EZEKIEL 45:1

“Chu nawa khawm chun, rochan dinga aisâna ram chu i sem pha chun, Lalpa kuoma chun thilhlân în hlân ding a nih, ram ân thiengna hmun tak, a dung chu tawng sîng hni le sâng nga nîng a ta, a khang chu sîng hni nîng a tih: A sîr vêlin a ramri huopsûng po poa chun ân thieng ding a nih.

JOSUA 12:6

Lalpa siehlaw Mosie le Israel nauhai chun chuonghai chu an that a; Lalpa siehlaw Mosie chun Reuben chihai, Gad chihai, Manasse hnam zâtve chu an rochan dingin a sempêk a.

JOSUA 13:14

Levi hnamhai chau a nih rochan ding a pêk naw chu; an kuoma a lo hril ta ang khan, Lalpa, Israelhai Pathien kuoma meia thilinhlânhai kha an rochan a ni lem si a.

JOSUA 13:16

An ramri chu Arnon ruom sîra um Aroer khuoa inthawka ruom laitaka khawpui le Medeba phai ram po po;

JOSUA 13:17

Hesbon le chu phai rama khawpui po po, Dibon le Bamoth-baal dâm, Beth-baal-meon dâm,

JOSUA 13:8

Manasse hnam zâtve danghai le Reuben chihai le Gad chihai chun Jordan râla saktiengah an chanpuol ding Mosiein a lo pêk ta chu an chang a, Lalpa siehlaw Mosiein anni a lo pêk ta ang khan.