JOSUA 14:2 - Pathien Lekhabu Inthieng (BSI)

² An rochan chu, Lalpain Mosie thu a lo pêk ta angin, ṭhum vâwrin hnam kuo le hnam zâtve hai ta dinga sem a nih.

JOSUA 14:2 Iomraidhean Croise

THUVARHAI 16:33

Ai chu mal chunga sân a ni hlak a, Thutlûkna ruok chu Lalpa ta vawng a nih.

THUVARHAI 18:18

Aisânna chun insêlnahai a sukbo a, Mi hrâthai chu a sukṭhe bawk.

EZEKIEL 45:1

“Chu nawa khawm chun, rochan dinga aisâna ram chu i sem pha chun, Lalpa kuoma chun thilhlân în hlân ding a nih, ram ân thiengna hmun tak, a dung chu tawng sîng hni le sâng nga nîng a ta, a khang chu sîng hni nîng a tih: A sîr vêlin a ramri huopsûng po poa chun ân thieng ding a nih.

NAMBAR 26:52

Chun, Lalpa chun Mosie a biek a,

NAMBAR 33:54

A hnam tam dân ang peiin aisânin ram chu hluong in ta, a hnam tam deuhai chu ram lien deu pêng in ta, a hnam tam naw deuhai chu ram chîn deu pêng in tih; aisâna a tlûkna taphawt chu an chanpuol nîng a ta; an pi le puhai chi fe dân ang peiin in hluo ding a nih.

NAMBAR 34:13

Chuongchun, Mosie chun Israel mihai chu thu a pêk a, “Hi hi Lalpain hnam kuo le a zâtvehai pêk dinga thu a pêk, ṭhumvâwra in hluo ding ram chu a nih;

NAMBAR 34:17

“Hluo dinga ram ṭhenawi puituhai hming chu hieng hi a nih: thiempu Eleazar le Nun naupa Josua hai.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

THILTHAWHAI 1:26

Chun, ṭhum an vâwr a, an ṭhum vâwr chu Matthia chungah a tla a. Chuongchun, ama chu tirko sâwm le pakhathai lai chun tiemsa a ni ta a.

JOSUA 13:7

Chuleiin, tuhin hi hnam kuohai le Manasse hnam zâtvehai rochanah sempêk rawh,” a ti a.

JOSUA 18:10

Josua chun Siloa chun Lalpa hmaa chun ṭhum a lo vâwrpêk a, chutaka chun Israel thlahai chu an inṭhe ang pei chun ram chu a sem ta a.

JOSUA 18:6

Ram chu hmun sariah va ṭhe unla, ziek chu mi hung pe ro; chuongchun, hitaka hin Lalpa ei Pathien hmaah ṭhum lo vâwrpêk ka ti cheu.