JOSUA 12:1 - Pathien Lekhabu Inthieng (BSI)

¹ Hienghai hi an nih chuong ram lal, Israelhaiin an sukbohmang a, an ram Jordan vadung râl, nisa suokna tieng ram, Arnon ruoma inthawka Hermon tlâng chen dâm, saktieng panga Araba po po le an ineipêk ram lalhai chu.

JOSUA 12:1 Iomraidhean Croise

1 LALHAI 4:19

Amorhai lal Sihon le Basan lal Og ram Gilead ramah Uria naupa Geber; chu rama chun hotu pakhat a um.

INPÂKNA HLABU 133:3

Hermon daidaw Zion tlânghaia tla hlak ang hi a nih; Chutaka chun Lalpa chun malsâwmna thu a pêk a, Kumkhuoa hringna dingin.

INPÂKNA HLABU 136:21

An ram rochana petu: A ngilneina chu kumkhawtluongin a um ding a ni si a.

INPÂKNA HLABU 89:12

Sim le hmâr chu nanga siem a na, Tabor le Hermon chun i hming leiin hlimin hla an sak hlak.

ISAI 16:2

Chuongchun, Moab naunuhai chu vate a bua inthawka rau dara vuong vuonghai angin Arnon vadung kaia chun an um ding annâwm.

NAMBAR 21:13

Chutaka inthawk chun an fe nâwk a. Amor mihai ramria inthawka hung filawr thlalêra Arnon khingtieng pangah umhmun an khuor a; Arnon chu Moab ramri, Moab le Amor mihai inkâra um a nih.

NAMBAR 21:21

Chun, Israel mihai chun Amor mihai lal Sihon kuomah mi an tir a,

NAMBAR 21:24

Chun, Israel mihai chun kâwlhnâm leh an lo thaw a, a ram chu Arnona inthawka Jabbok chenin, Ammon mihai ramri Jazer chenin an neipêk a; Ammon thlahai ram chu a khir hle a nih.

NAMBAR 32:19

Kan hluo ding chu hi tieng râl Jordan sak tieng a ni leiin Jordan râl khingtieng le a khêl tieng chu hluopui naw ning ungah,” an ta.

NAMBAR 32:32

inralthuoma Lalpa hmaa kaiin Kanaan ramah lût kan ta, chuongchun, kan ram hluo ding chu Jordan vadung khêl tieng la ni zing a tih,” tiin an dawn a.

NAMBAR 32:33

Chun, Mosie chun Gad mihai le Reuben mihai le Josef nau Manasse hnam zâtve hai chu Amor lal Sihon ram dâm, Basan lal Og ram, chuong ramhai chu a khuo um po pohai leh a vêla rama khuohai le chun a pêk a.

DÂN PAHNINA 2:24

Tho unla, fe suok unla, Arnon ruom kân ro; ngai ta u, Amor mi Hesbon lal Sihon le a ram chu ka pêk ta cheu a nih; hluo phawt unla, râl thawin va thaw ro.

DÂN PAHNINA 2:32

Chuongchun, Sihon le a mihai po po chu Jahaz-ah a mi thaw dingin an hung inthawk a.

DÂN PAHNINA 3:1

“Chuongchun, ei insawn a, Basan lampuiah ei fe a, Basan lal Og le a mihai po po chu Edreia mi thaw dingin an hung inthawk a.

DÂN PAHNINA 4:44

Hi hi Mosiein Israel thlahai dân a pêk chu a nih;

DÂN PAHNINA 4:46

Jordan râla Mosie le Israel thlahaiin Aigupta rama inthawka an hung suok laia an that, Hesbona um Ammon mihai lal Sihon rama Beth-peor zâwn ruoma khan:

DÂN PAHNINA 4:48

Arnon ruom sîra Ariera inthawka Sion tlâng (Hermon an ti bawk) chen le

JOSUA 1:15

Lalpain in unauhai khawm chu nangni ang bawka châwlna a pêka, Lalpa in Pathienin ram a pêk chu anni khawma an hluo ve hmakhat chun; chuongchun, Lalpa siehlaw Mosiein Jordan râl, nisa suokna tieng ram in puola a lo pêk ta cheu tieng chun kîr nâwk in ta, in la hluo ding a nih,” tiin, a hril a.

JOSUA 11:17

Seir tlâng hang khawtu Halak tlânga inthawka Hermon tlâng hnuoia Lebanon ruoma Baal-gad chenin; an lalhai po po chu a man a, a that a, a sukhlum vawng a.

JOSUA 11:3

saktieng le thlangtienga um Kanaan mihai dâm, tlângrama um Amor mihai, Hit mihai, Periz mihai, Jebus mihai, Mizpa ram Hermon tlâng hnuoia umhai Hiv mihai kuoma dâm mi a tir a.

JOSUA 13:8

Manasse hnam zâtve danghai le Reuben chihai le Gad chihai chun Jordan râla saktiengah an chanpuol ding Mosiein a lo pêk ta chu an chang a, Lalpa siehlaw Mosiein anni a lo pêk ta ang khan.

JOSUA 22:4

Chuongchun, Lalpa in Pathienin an kuoma a lo hril ta ang khan in unauhai hi tuhin muongna a pêk ta hi: chuleiin, Lalpa siehlaw Mosiein Jordan râla in chanpuol dinga ram a lo pêk ta cheua khan, in puon in tienga chun fe nâwk ta ro.

RORELTUHAI 11:18

Chu zoah thlalêr chu an fe thleng a, Edom ram le Moab ram chu an fe huol a, Moab ram saktieng pangah an fe a, Arnon khingtieng pangah an inkul a, Moab ram sûnga chu an lût dêr naw a nih, Arnon chu Moab ramri chin a ni si a.