JOSUA 11:23 - Pathien Lekhabu Inthieng (BSI)

²³ Chuongchun, Lalpain Mosie kuoma a hril po po ang khan Josua chun ram pumpui chu a lâk ta a; chun, Josua chun Israel mihai chu an hnam inṭhe dân ang peiin an rochan dingin a pêk tâwl a; chuongchun, ram chu râlmuongin a um ta a.

JOSUA 11:23 Iomraidhean Croise

NEHEMIA 9:24

Chuongchun, an thlahai chun ram chu an hluo ta a, chun, nangin chu rama um Kanaan mihai chu an hmaah i suktlâwm a, an nuom nuom an law dingin an lalhai le chu rama mihai le chun an kutah i pêk a.

INPÂKNA HLABU 46:9

Ama chun indonahai chu kâwlkawdawng chenin a sukbo hlak a, Thalngul chu a sukthliek a, fei chu a sât bawng hlak a. Tawlailîrhai chu meiah a raw hmang hlak.

FESUOKNA 34:11

“Vawisûn thu ka pêk che hi zâwm rawh. Ngai rawh, Amor mihai, Kanaan mihai, Hit mihai, Periz mihai, Hiv mihai le Jebus mihai chu i hmaa inthawkin ka hnawt suok ding a nih.

EZEKIEL 45:8

Chu ram chu Israelhai laia ama ta dinga a chan chu nîng a ta; ka lalhai chun ka mihai chu nêksâwr ta ngai naw ni hai a; amiruokchu, Israel sûngkuo laia chun an hnam ang peiin ram chu pe lem tâng an tih.

DÂN PAHNINA 1:38

I rawngbâwltu Nun naupa Josua hi chu lût a tih, ama hi infui rawh; Israel mihai chu ân hluotir ding a nih.

DÂN PAHNINA 25:19

Chuleiin, Lalpa in Pathienin hluo dinga ram a pêk pha cheua in vêla in hmêlmahai po po laia inthawka Lalpa in Pathienin râlmuongna a pêk pha cheu chun vânkhuphnuoia Amalek mihai hriet zingna chu in sukbo dêr ding a nih; in theinghil dêr ding a ni nawh.

JOSUA 11:18

Josua chun chuong lalhai po po chu sâwttak a do a nih.

JOSUA 12:7

Chun, hieng ram lalhai hi an nih Josua le Israel nauhaiin Jordan vadung râl thlangtieng panga an thathai chu; Lebanon ruom Baalgada inthawka Seir tlâng hang khawtu Halak tlâng chenin, chun, Josua chun Israel hnamhai chu an inṭhe ang peiin chu ram chu an rochan dingin a pêk tâwl a,

JOSUA 18:10

Josua chun Siloa chun Lalpa hmaa chun ṭhum a lo vâwrpêk a, chutaka chun Israel thlahai chu an inṭhe ang pei chun ram chu a sem ta a.

JOSUA 22:4

Chuongchun, Lalpa in Pathienin an kuoma a lo hril ta ang khan in unauhai hi tuhin muongna a pêk ta hi: chuleiin, Lalpa siehlaw Mosiein Jordan râla in chanpuol dinga ram a lo pêk ta cheua khan, in puon in tienga chun fe nâwk ta ro.

JOSUA 23:1

Kum ieng zât lai amanih ân vawi a, Israelhai chu an kâwlvêla hmêlma po pohaia inthawk muongna Lalpan a pêk hnung chun, Josua khawm chu a hung upa ta a, a hung tar ta hle el a.