JOSUA 11:22 - Pathien Lekhabu Inthieng (BSI)

²² Israel thlahai rama chun Anakim mihai chu pakhat khawm um an um ta dêr naw a, Gazaa dâm, Gatha dâm, Asdoda dâm ruok chun chu a um an la um a.

JOSUA 11:22 Iomraidhean Croise

1 LALHAI 2:39

Chun, kum thum ân vawi hnung chun Simei siehlawhai pahni chu Gath khaw lal Maaka naupa Akis kuomah an zâm a. Chun, “Ngai ta, i siehlawhai chu Gath khuoah an um,” tiin Simei chu an hril a.

1 CHANCHIN SUINA 18:1

Hi hnunga hin hieng hi a hung ni a, David chun Philistin mihai chu a hne a, anni chu a tukdawl a, Philistin mihai kuta inthawk chun Gath le a vêl khuohai chu a lâk ta a.

1 CHANCHIN SUINA 8:13

Beria le Sema, Aijalon ram hluotuhai laia an pahnam luhai Gath hluotuhai intlânsiettirtuhai chu;

2 CHANCHIN SUINA 26:6

Chun, a fe suok a, Philistin mihai ân dopui a; Gath kul le, Jabne kul le Asdod kul chu a suksiet a; chun, Philistin mihai laia le Asdod biela chun khuohai a siem bawk a.

ISAI 20:1

Assuria lal Sargon tirin Tartan chu Asdod khuoah a hung a, Asdod khuo a do a, a lâk kum khan;

THILTHAWHAI 8:40

Philip chu miin Azota khuoah an hmu nâwk ta a; chun, a fe thleng a, Kaisari khuo a tlung hmakhat chun, khaw tinah Chanchin Ṭha chu a hril pei a.

DÂN PAHNINA 2:23

chun, Gaza chena khaw chînhaia um Av mihai chu Kaphtora inthawka hung suok Kaphtor mihai vêk chun an sukbohmang a, an hmuna chun an um ta a.)

DÂN PAHNINA 9:2

mi lientak tak le insângtak tak in hriet ta sahai Anak thlahai, ‘Anak thlahai chu tuin am ngam ei ta?’ in ti hlakhai ram chu.

JOSUA 10:41

Chun, Josua chun Kades-Barneaa inthawkin Gaza chenin, Gosen ram po po leh Gibeon chenin a lâkpêk vawng a,

JOSUA 15:14

Kaleb chun chu khuoa inthawk chun Anak naupasalhai pathum Sesai hai, Ahiman hai, Talmai hai, Anak nauhai chu a hnawt suok a.

JOSUA 15:46

Ekrona inthawka Mediterranean Tuipui chen hielin Asdod hrûla umhai po po a khaw chînhai leh.

JOSUA 15:47

Asdod le a sîrvêla khuohai le a khaw chînhai chu: Gaza le a sîrvêl khuohai le a khaw chînhai chu; Aigupta vadung le Mediterranean Tuipui le a kam chenin.

RORELTUHAI 1:18

Juda chun Gaza le a ram chin, Askelon le a ram chin, Ekron le a ram chin khawm a lâk a.

RORELTUHAI 3:3

Chuong hnamhai chu: Philistinhai lal pangahai,le Kanaan mi po po, Zidon mihai,le Hiv mihai, Baal-hermon tlânga inthawka Hamath khuo lûtna chena Lebanon tlânga Hiv mihai an nih.

1 SAMUEL 17:4

Chun, Philistin mihai ṭhanghmuna inthawk chun an mi hrât, Goliath, Gath khuoa mi, tawng ruk le khâp khata insâng hi a hung suok a.

1 SAMUEL 5:1

Chuongchun, Philistin mihai chun Pathien bâwm chu an lâk a, Ebenezera inthawk chun Asdod khuoah an fepui ta a.