JOSUA 11:16 - Pathien Lekhabu Inthieng (BSI)

¹⁶ Chuongchun, Josua chun chuong ram po po, tlâng ram dâm, sim ram po po dâm, Gosen ram po po dâm, phai ram dâm, Araba dâm, Israelhai tlâng ram dâm, an phai ramhai leh a lâk vawng a.

JOSUA 11:16 Iomraidhean Croise

INPÂKNA HLABU 105:44

Chun,hnam tin ramhai chu an kuomah a pêkpêk a, Anni chun mi tin thaw suoksa chu an hluo ta a;

INPÂKNA HLABU 78:55

Hnam tin chu an hmaah a hnawt suok a, Anni chu hruia inkhi dingin rochanah a siem a. An puon ina chun Israel hnamhai chu ân umtir ta a.

EZEKIEL 17:23

Israel insângna tlânga chun phun ka ta; kâuhai hung insuong a ta, ra hung nei a ta, sidar thing ṭhatak hung nîng a ta; a hnuoia chun vate tinrênghai chu chêng an ta; chutaka a kâuhai hlima chun chêng an tih.

EZEKIEL 36:8

Nisienlakhawm, nangni, Aw Israel tlânghai, in kauhai chu inzâmdawktir in ta, in rahai chu ka mi Israelhai in pêk ding a nih; hung nghâl el ding an ni si a.

DÂN PAHNINA 1:7

insawn ta unla, fe suok unla, Amor mihai tlâng rama le a kâwl vêl po po Arabaa dâm, tlâng rama dâm, phai rama dâm, Sim rama dâm, Kanaan mihai umna tuipui kamhaia le Lebanona dâm, vadungpui Euphrates vadung chenin fe ro.

JOSUA 10:40

Chuongchun, Josua chun a ram pumin, tlâng ram dâm, Sim ram dâm, phai ram dâm, ṭên pangpêr ram dâm chu sukse vawngin, an lal po pohai chu a sukhlum vawng a; pakhat bêk khawm hlâ hrim hrim a nei dêr nawh: Lalpa Israelhai Pathien thupêk angin, ân thuok thei taphawt chu a sukchimit vawng ta lem a.

JOSUA 10:41

Chun, Josua chun Kades-Barneaa inthawkin Gaza chenin, Gosen ram po po leh Gibeon chenin a lâkpêk vawng a,

JOSUA 11:15

Lalpain a siehlaw Mosie thu a pêk ang bawkin, Mosie khawmin Josua chu thu a pêk ve a, chuong ang tak chun Josua chun a thaw pei a, Lalpain Mosie thu a pêk po po chu thaw naw hrim a nei dêr nawh.

JOSUA 11:2

hmartienga tlâng ram lalhai dâm, Kinneroth simtienga Araba lal hai, phai ram lal hai dâm, thlangtieng panga Dor tlâng sâng lal hai,

JOSUA 11:21

Chuong lai chun Josua chu a fe a, tlâng rama inthawk dâmin, Hebrona inthawk dâmin, Debira inthawk dâmin, Anaba inthawk dâmin, Juda tlâng rama inthawk dâmin, Israel tlâng ram po poa inthawk dâmin, Anakim mihai chu a sukchimit vawng a, Josua chun an khawpuihai pumin a sukbohmang vawng a,

JOSUA 12:8

tlâng rama dâm, phai rama dâm, Arabaa dâm, tlâng pangpêr rama dâm, thlalêr rama dâm, Sim rama dâm, chuong chu Hit mihai, Amor mihai, Kanaan mihai, Periz mihai le Jebus mihai ram kha a nih.

JOSUA 9:1

Chun, Jordan vadung râla lalhai po po tlânga mi le phaia mi dâm, Mediterranean tuipui kam tluona chêng Lebanon tlâng chena um Hit mihai, Amor mihai, Kanaan mihai, Periz mihai, Hiv mihai, Jebus mihai chun an lo hriet chun,