JOSUA 11:12 - Pathien Lekhabu Inthieng (BSI)

¹² Chun, chuong lalhai khawpuihai po po le an lalhai po po chu Josua chun a lâk vawng a, kâwlhnâma thawin a that a, a sukchimit vawng a; Lalpa siehlaw Mosiein thu a pêk ang khan.

JOSUA 11:12 Iomraidhean Croise

DÂN PAHNINA 7:2

in sukbohmang vawng ding a nih; anni le chun thu in thlung ding a ni naw a, in lunginsiet ding khawm a ni nawh.

DÂN PAHNINA 9:3

Chuleiin, Lalpa in Pathien chu mi kângbohmang mei anga in hmaa fe hlak chu a nih ti tuhin hre ro; ama chun anni chu sukbohmang a ta, suktlâwmpêk a ti cheu; chuongchun, Lalpain in kuoma a hril ta ang khan, anni chu hnawt suok in ta, sukbohmang vak el in tih.

JOSUA 10:20

Chun, Josua le Israel mihaiin anni chu nasataka beiin an that a, an that zo deuthaw a, an that mahla tlâwmte chu an khaw kulhaiah an tlânlût hman a.

JOSUA 10:28

Josua chun chu ni chun Makeda chu a lâk a, a lal khawm kâwlhnâmin a thaw a, chu khuoa um po pohai le chun a sukhlum fai rêt a, pakhat khawm hla hrim hrim a nei nawh. Jeriko lal chunga a thaw ang bawk khan Makeda lal chunga khawm a thaw a.

JOSUA 10:30

chuongchun, chu khuo chu an lal pumin Israelhai kutah a pêk nâwk bawk a; chun, chu khuo chu thawin a sûnga um po pohai chu kâwlhnâmin an sukhlum vawng a, a sûngah mi pakhat khawm hla hrim hrim an nei nawh; Jeriko khaw lal chunga an thaw ang bawk khan chu khaw lal chunga khawm chun an thaw a.

JOSUA 10:32

chuongchun, Lalpain Lakis chu Israelhai kutah a pêk a, a ni hni niin an lâk a, chu khuo chu thawin a sûnga umhai po po kâwlhnâmin an sukhlum vawng a, Libna chunga an thaw ang bawk khan.

JOSUA 10:35

Chu ni ma chun an lâk a, chu ni ma chun chu khuo chu thawin a sûnga um po pohai kâwlhnâmin an sukhlum fai rêt a, Lakis chunga an thaw ang bawk khan.

JOSUA 10:37

chuongchun, an lâk ta a; chu khuo le a lal le a khawpui po po leh, a sûnga um po pohai chu kâwlhnâmin an thaw a, an sukhlum vawng a, Eglon chunga an thaw ang bawk khan pakhat khawm hlâ hrim hrim an nei naw a; a suksiet letdêr a, a mi umhai po po an sukhlum fai rêt a.

JOSUA 11:13

Amiruokchu, muolvûma khawpui lo umhai kha chu Hazor tilo chu Israelhai chun pakhat khawm an raw naw a, chu khuo ruok chu Josuain a raw a nih.

JOSUA 11:15

Lalpain a siehlaw Mosie thu a pêk ang bawkin, Mosie khawmin Josua chu thu a pêk ve a, chuong ang tak chun Josua chun a thaw pei a, Lalpain Mosie thu a pêk po po chu thaw naw hrim a nei dêr nawh.

JOSUA 13:6

Lebanona inthawka Misrephothmaim hmun chenin, tlâng rama chênghai po po, Sidon mihai po po chu. Anni chu Israel mihaihai hmaa hin hnawt suok ka ta, thu ka pêk ang che khan Israelhai rochanah siempêk phawt el rawh.

JOSUA 21:44

Chun, Lalpain an thlatuhai kuoma inkhâma a lo tiem ta ang ngei khan hmun tinah muongna a pêk a, an hmêlmahai po po chu tukhawm an hmaa ṭhang thei an um naw a;

JOSUA 8:31

Mosie dân lekhabua ziek ta anga, Lalpa siehlaw Mosiein Israelhai a lo pêk ta ang khan; chu maichâm chu lung sut lo, tukhawma a chunga thîr an lân let ngailo a na; chutaka chun Lalpa ta dingin pumrawhmang thilinhlânhai an inhlân a, inremna thilinhlânhaiin an inthâwi a.

JOSUA 8:8

Khawpui chu in lâk phingleh, khawpui chu raw el ro, Lalpa thu ang peiin in thaw ding a nih; ngai ta u, thu ka pêk ta cheu hi,” tiin.

JOSUA 9:24

Anni chun Josua chu an dawn a, “Lalpa i Pathien a siehlaw Mosie khan ram pumpui hi pe cheua in hmaa a ram hluotu um po pohai hi sukbohmang pei ding a nih ti thu a lo pêk kha i siehlawhai hi an lo hril chieng êm a; chuleiin, nangni leiin kan hringna hi chân kan inlau êm a, hieng ang hin kan lo thaw el a nih.