JOSUA 10:8 - Pathien Lekhabu Inthieng (BSI)

⁸ Chun, Lalpain Josua kuomah, “Anni chu ṭi dêr naw rawh, i kutah ka pêk vawng tah a nih; anni laia mi tukhawm i hmaah ngîr thei ding hrim hrim an um nawh,” a ti a.

JOSUA 10:8 Iomraidhean Croise

1 LALHAI 20:13

Chun, ngai ta, zâwlnei pakhat hin Israel lal Ahab chu a va hnai a, “Lalpain hieng ang hin a tih, ‘Hieng mipui tamtak hi i hmu am? ngai ta, vawisûn hin i kutah ka pêk ding a nih; chuongchun, kei hi Lalpa chu ka nih ti hrieng i tih,’ tiin,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

DÂN PAHNINA 3:2

Chun, Lalpain ka kuomah, ‘Ama chu ṭi naw rawh, ama le a mihai po po le a ram chu i kutah ka pêk diem tah a nih; Hesbona um Amor mihai lal Sihon chunga i thaw ang khan a chungah i thaw ding a nih,’ a ti a.

DÂN PAHNINA 7:24

An lalhai chu in kutah pêng a ta, an hming chu vânkhuphnuoia inthawk hin in thaihmang dai ding a nih; in sukbohmang dêr chenin in hmaa ngîr thei tukhawm um hrim hrim naw ni hai.

JOSUA 10:25

Josua chun an kuomah, “Ṭi naw unla, zâm bawk naw ro, hrâttak le huoitakin um lem ro; in hmêlmahai po po in dohai chungah Lalpa chun hieng ang hin a thaw pei ding a nih,” a ta.

JOSUA 10:9

Chuongchun, zânkhuoa Gilgala inthawka hang fein Josua chun thâwk lekhatin anni chu a thaw ta thut a.

JOSUA 11:6

Chun, Lalpain Josua kuomah, “Anni leiin ṭi naw rawh, zîngah hieng tik phât hin anni chu sukhlum sa vawngin Israelhai chu ka hung pêk el ding a nih; an sakawr thahai chu sat pêk i ta, an tawlailîrhai chu i raw el ding a nih,” a ta.

JOSUA 8:1

Lalpa chun Josua kuomah, “Ṭi naw la, zâm bawk naw rawh, râlkâp mi po po i kuomah ṭhuoi la, tho la, Ai khuoah hang fe rawh; ngai ta, Ai khaw lal le, a mihai le, a khuo le a ram chu i kutah ka pêk tah.

RORELTUHAI 6:16

Lalpa chun a kuomah, “I kuomah ka um pei ding annâwm; chuongchun, Midianhai chu mi pakhat ang elin hne vawng el i tih,” a ti a.

RORELTUHAI 7:9

Chu zâna chun Lalpain a kuomah, “Tho la, kula chun zu fe raw khai, i kutah ka pêk ding che a nih:

1 SAMUEL 17:47

chun, hitaka pungkhâwmhai po po hin Lalpa chun kâwlhnâm le feiin a sandam nawh ti hre thei an tih; indona chu Lalpa indona a ni sih a, ama chun kan kuta hin nangni hi a mi pêk ding a nih,” a ta.