JOSUA 10:6 - Pathien Lekhabu Inthieng (BSI)

⁶ Chun, Gibeon mihai chun an riebûk Gilgalah, Josua kuomah mi an tir a, “I siehlawhai hi ngaitha naw raw khai; inhmawtakin kan kuomah hung vat la, mi hung sandam la, mi hung ṭhangpui rawh: tlâng rama chênghai Amor lalhai keini mi thaw dingin an inhâwrkhâwm a nih,” tiin.

JOSUA 10:6 Iomraidhean Croise

2 LALHAI 4:24

Chun, sabengtung chunga chun a chuongpha a pha a, a siehlaw kuoma chun, “Khal la, hmatieng fe pei rawh, ka tir chau naw che chun mi sukmuong naw rawh,” a ta.

INPÂKNA HLABU 125:2

Tlânghai chu Jerusalem vêla a um angin, Lalpa chu a mihai vêlah a um hlak, Tuta inthawka kumkhawtluongin.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

NAMBAR 13:29

Amalek mihai chu sim rama chun an um a, Hit mihai, Jebus mihai, Amor mihai chu tlângahai chun an um a; chun, Kanaan mihai chu Mediterranean tuipui pang le Jordan vadung pangah an um,” tiin an hril a.

LUKA 1:39

Chuong lai chun Mari chu a tho a, thingtlângah, Judai rama khuo pakhata chun a fe ta a;

DÂN PAHNINA 1:15

Chuongchun, in hnam hotuhai chu ka pawm a, in hnam laia mi, mi var, chinchâng hre mihai in chungah ṭhuoituah ka siem a, sâng chunga hotu dâm, za chunga hotu dâm, sâwmnga chunga hotu dâm, sâwm chunga hotu dâm, ṭhuoituhai khawm.

JOSUA 10:5

Chuongchun, Amor mihai lalhai panga, Jerusalem lal, Hebron lal, Jarmuth lal, Lakis lal, le Eglon lal chu an pung khâwm a, an sipaihai po po leh an hang fe a, Gibeon epa chun an um a, an indopui ta a.

JOSUA 10:7

Chuongchun, Josua le a kuoma râl kâp mi po po le, mi hrât huoisenhai po po chu, Gilgala inthawk chun an hang fe a.

JOSUA 21:11

Chun, Juda tlâng rama Kiriatharba (chu chu Hebron) le a khaw kâwlvêlhai chu an pêk a. Arba chu Anak pa a nih.

JOSUA 5:10

Israelhai chun Gilgala chun umhmun an khuor a; chun, Jeriko phaiahai chun chu thla ni sâwmpali ni, zântieng chun Fêkân Ruoiṭhe an hmang ta a.

JOSUA 9:15

Chuongchun, Josua chun anni le chun inremna a siem a, anni chu hlâ dingin an inkârah thuthlung a siem ta a, chun, a pungkhâwmhai laia mi lienhai khawm chun an kuomah ṭawng an inkhâm ta a.

JOSUA 9:6

Chun, Josua kuomah Gilgala an riebûka chun an va fe a, a kuoma le Israelhai kuoma chun, “Ram hlataka inthawka hung kan na; chuongchun, kan kuoma hin thu thlung ro khai,” an va ti a.

JOSUA 9:8

Anni chun Josua kuoma chun, “I siehlawhai kan ni hi,” an ta. Josua chun an kuomah, “Tuhai am in ni leh? Khâwtienga inthawka hung am in ni leh?” a ti a.