JOSUA 10:42 - Pathien Lekhabu Inthieng (BSI)

⁴² chuong lalhai po po le an ramhai chu Lalpa Israelhai Pathien chun Israelhai chu a dopui leiin Josua chun ṭum khata a lâk vawng an nih.

JOSUA 10:42 Iomraidhean Croise

INPÂKNA HLABU 118:6

Lalpa chu keia tienga ṭhang a nih, ṭi naw ning: Mihriemin ieng am mi law thei an ta?

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 80:3

Aw Pathien, mîn nghatkîrtir nâwk la; I hmêl kha sukvar la; chuongchun, sandamin um kan tih.

FESUOKNA 14:14

Lalpa chun in ta dingin do a ta, nangni ruok chu in um ṭawk ṭawk ding a nih,” a ta.

FESUOKNA 14:25

An sakawr tawlailîr kekuolhai chu a sukthlawngpêk a, intaktakin an khal ta a; chuongchun, Aigupta mihai chun, “Israelhai hmaa inthawkin tlân el ei tiu, Lalpa chun an ta dingin Aigupta mihai chu a dopêk a ni hi,” an ti a.

ISAI 43:4

Ka ngaia hlutak in na, mi inzaumtak in na, ka hmangai bawk cheu leiin, nangni aiah mihai pêng ka ta, in hringna aiah mi tin pêng ka tih.

DÂN PAHNINA 20:4

nangni sandam ding cheu le, in hmêlmahai thawpêk ding cheuin in kuoma um pei chu Lalpa in Pathien a ni si a,’ ti raw se.

JOSUA 10:14

Lalpain chuong anga mihriem râwl a ngai ni ang chu a hmain ni hrim hrim a um ngai naw a, a hnunga khawm a um ngai bawk nawh; Lalpain Israelhai chu a dopui a ni si a.

JOSUA 10:43

Chun, Josua le Israel mihai po po chu Gilgala an riebûkah an kir nâwk ta a.