JOSUA 10:19 - Pathien Lekhabu Inthieng (BSI)

¹⁹ Nangni ruok chu um naw unla, in hmêlmahai chu hnawt pei unla, a hnung dâlhai kha that unla, an khuoa hrim hrim inlûttir naw ro, Lalpa in Pathien chun anni chu in kutah a pêk ta si a,” a ta.

JOSUA 10:19 Iomraidhean Croise

2 SAMUEL 17:13

Chu nawa khawm khuoa a lût chun, Israel mi po po, hruihruol chawiin chu khuoa chun va fêng ei ta, lung chiterek khawm um lo khawp rauin vadungah hnûkthla vawng ei tih,” a ti nghâl bawk a.

2 SAMUEL 20:6

Chuongchun, David chun Abisai kuomah, “Bikri naupa Seba hin Absalom nêk hmanin ei pawi a tâwk ding a nih ie, i pu mihai hi ṭhuoi la, hnawt ro khai; chuong naw chun khaw kul neia dam lût hman a ta, ei hmu phâk nawa hin insuo hlau rawi ei tih,” a ta.

JEREMIA 48:10

Lalpa sin hmusittaka thawtu chu ṭawngsephurin um raw se; thisen insuo dinga a kâwlhnâm la kîrtu chu ṭawngsephurin um bawk raw se.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; Lalpa chunga chun thil ei lo suksuol ta leiin, Lalpa ei Pathien chun bohmangnaa um dingin a mi sie ta a, tûr pawl tui chu dâwn dingin a mi pêk ta a.

JOSUA 10:18

Chuongchun, Josua chun, “Pûk kawtkhâra chun lung lientak tak inhlum unla, a vêngtuhai khawm inumtir ro.

JOSUA 10:20

Chun, Josua le Israel mihaiin anni chu nasataka beiin an that a, an that zo deuthaw a, an that mahla tlâwmte chu an khaw kulhaiah an tlânlût hman a.