JOSUA 1:9 - Pathien Lekhabu Inthieng (BSI)

⁹ Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

JOSUA 1:9 Iomraidhean Croise

INṬANNA 28:15

Ngai ta, i kuomah ka um a, i fena taphawtah vêng pei ka ti che a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a ti a.

INṬANNA 39:2

Lalpa chu Josef kuomah a um a; chuongchun, ama chu mi hlawtlingtak a hung ni ta a, a pu Aigupta mi ina chun a um a.

INṬANNA 39:3

A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

2 SAMUEL 13:28

Chun, Absalom chun a siehlawhai chu, “Ngai ta, Amnon chu uoin dâwna a hlim laiin in kuomah, ‘Amnon kha that ro,’ ka ti cheu chun that unla, ṭi naw ro, thu ka pêk ta cheu annâwm; insukhuoi unla, insukpasal ṭha unla,” tiin thu a pêk a.

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

2 CHANCHIN SUINA 15:7

Amiruokchu, insukhrât unla; inthlada naw ro, in sinthaw chu lâwmman pêk in ni ding a ni si a,” tiin.

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 8:12

“Hi chihai hin, ‘Phier an nei,’ an ti nazawng chu, ‘Phier an nei,’ ti ve naw ro; an ṭi khawm chu ṭi ve lovin, ṭi ve naw ro.

DANIEL 10:19

Ama chun, “Aw nasataka ditsaka umpa, ṭi naw rawh, i kuomah thlamuongna um raw se; insukhrât rawh, anih, insukhrât rawh,” a ta. Chun, ka kuoma thu a hung hril phing chun sukhrâtin ka um ta a, “Ka lalpa hin thu hril raw se, i mi sukhrât ta si a,” ka ta.

HAGGAI 2:4

Anachu, Aw Zerubbabel, tuhin insukhrât rawh,’ Lalpa chun a ti a nih; Lalpa chun, ‘Aw Josua, nang Jehozadak naupa thiempu lal, insukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai Lalpa chun a tih:

HAGGAI 2:5

Aigupta rama inthawka in hung suok laia in kuoma ka thuthlung thu anga khan in kuomah ka um a, ka thlarau chu nangni laia chêng zing a ni si a: ṭi dêr naw ro, Lalpa chun a tih,” tiin.

THILTHAWHAI 4:19

Nisienlakhawm, Peter le Johanin an kuomah, “Pathien mithmuin, Pathien thu zâwm nêkin nangni thu zâwm ân dik lem am chu, ngaituo ro.

DÂN PAHNINA 1:21

Ngai ta u, Lalpa in Pathien chun ram chu a pêk diem ta cheu a nih; hang fe unla, Lalpa in pi le pu Pathienin a lo hril ta ang khan hang hluo el ta ro; ṭi naw unla, thaidâwp bawk naw ro,’ ka ti a.

DÂN PAHNINA 20:1

“In hmêlmahai do dinga in suoka sakawrhai le tawlailîrhai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu Lalpa in Pathien chu in kuomah a um si a.

DÂN PAHNINA 31:23

Lalpa chun, Nun naupa, Josua chu ân fui a, “Seltak le huoitakin um rawh khai, Israel mihai chu an kuomah inkhâma ka tiem rama chun i ṭhuoi lût ding a nih; chun, i kuomah um pei ka tih,” a ti a.

DÂN PAHNINA 31:28

An na hrietah hieng thu hi ka hril a, an chungchâng thua hretu dingin vân le hnuoi ka sâl theina dingin in hnam ṭhuoituhai po po, in hotuhai mi ko khâwmpêk ro.

JOSUA 1:10

Chuongchun, Josua chun mipui hotuhai chu thu a pêk a,

JOSUA 1:17

Kawng iengkima Mosie thu kan zâwm pei hlak ang khan, i thu khawm zâwm pei kan tih. Lalpa i Pathien chu Mosie kuoma a um hlak ang khan i kuoma hin um ve phawt sienla.

JOSUA 1:18

Tukhawm i thupêk chunga hela, thu i pêk taphawt zâwm nuom lo chu sukhlum ding nîng an tih, hrâttak le huoitakin um phawt el rawh,” tiin.

JOSUA 10:25

Josua chun an kuomah, “Ṭi naw unla, zâm bawk naw ro, hrâttak le huoitakin um lem ro; in hmêlmahai po po in dohai chungah Lalpa chun hieng ang hin a thaw pei ding a nih,” a ta.

JOSUA 10:8

Chun, Lalpain Josua kuomah, “Anni chu ṭi dêr naw rawh, i kutah ka pêk vawng tah a nih; anni laia mi tukhawm i hmaah ngîr thei ding hrim hrim an um nawh,” a ti a.

JOSUA 3:7

Chun, Lalpain Josua kuomah, “Mosie kuoma ka um ang khan, i kuoma khawm ka um ding a nih ti an hriet theina dingin, Israelhai po po mithmuah vawisûn hin ka chawimawi ṭan ding che a nih.

JOSUA 6:27

Chuongchun, Lalpa chu Josua kuoma chun a um a, a ram pumpuia chun a hming a hung inthang ta a.

JOSUA 8:1

Lalpa chun Josua kuomah, “Ṭi naw la, zâm bawk naw rawh, râlkâp mi po po i kuomah ṭhuoi la, tho la, Ai khuoah hang fe rawh; ngai ta, Ai khaw lal le, a mihai le, a khuo le a ram chu i kutah ka pêk tah.

RORELTUHAI 6:14

Lalpa chun ama chu a en a, a kuomah, “Hi i hrâtna hin fe la, Israelhai hi Midianhaia inthawkin sansuok rawh; ka tir che a ni naw am a nih?” a ti a.

1 SAMUEL 10:7

Chun, hieng inchiknahai hi i chunga a hung um pha chun thil hung umin a zir ang peiin i thaw ding a nih; Pathien chu i kuomah a um pei si a.