JOSUA 1:8 - Pathien Lekhabu Inthieng (BSI)

⁸ Hi dân bu hin i bâu chu suoksan hlek naw sienla, chu thu ziekhai po po chu i zâwm tlat theina dingin sûn le zânin i ngaituo ding a nih, chuongchun, i lampuihai chu suktluong pei i ta; i hung tluongtlung pei ding a nih. Thu ka pêk che a ni naw am a nih?

JOSUA 1:8 Iomraidhean Croise

INṬANNA 24:63

Chun, Isak chu zântieng hin inngaituo dingin phûlah a va lêng suok a: chun, a hei ngha a, a en a; chun, ngai ta, sanghâwngseihai an hung a.

2 CHANCHIN SUINA 26:5

Pathiena thil hmulâwk hrietthiemna nei Zekaria dam sûng po chun Pathien chu zawng dingin ân siem a; Lalpa chu a zawng sûng po chu, Pathien chun ân hlawtlingtir bawk a.

INPÂKNA HLABU 119:11

I chunga thil ka suksuol nawna dingin, I thu chu ka lungrilah kân khâwl khâwm a.

INPÂKNA HLABU 119:15

I thununna thuhai chu ngaituong ka ta, I lampuihai chu ngaisak bawk ka tih.

INPÂKNA HLABU 119:97

Aw, i dân hi ka va ngaina de aw! Sûnnithlâka ka ngaituo hlak chu a nih.

INPÂKNA HLABU 119:99

A mîn chûktirtuhai po po nêkin varna ka nei lem a nih, I thuinhriettirhai hi ka ngaituo a ni hlak leiin.

INPÂKNA HLABU 19:14

Aw Lalpa ka lungpui le a mîn tlantu, Ka baua thu suokhai le ka lungrila ngaituonahai hi i mithmuah lâwmtlâkin um raw se.

INPÂKNA HLABU 40:10

I felna chu ka lungril sûngah ka ip naw a; I ringumna le i sandamna thu chu ka khêkpui lem a, I ngilneina le i takna chu inkhâwmpui ropuitaka mihai kuoma chun ka thup naw a.

THUVARHAI 3:1

Ka naupa, ka inchûktirna hi theinghil naw la, Ka thupêkhai hi i lungrilin vawng tlat lem raw se:

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

MATTHAI 12:35

Mi ṭha chun a robâwm ṭhaa inthawkin thil ṭhahai a the dawk hlak, mi suol chun a robâwm siea inthawkin thil ṭha naw a the dawk hlak.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

MATTHAI 7:21

“ ‘Lalpa, Lalpa,’ a mi ti nazawng chu vân ramah lût naw ni hai, ka Pa vâna mi dit zâwng thawtuhai ruok chu lût an tih.

MATTHAI 7:24

“Chuongchun, mi tin hieng ka thu hrea zâwm taphawt chu, mi var lungpui chunga in bâwltu leh hrilkhi ding a nih.

LUKA 11:28

Ama ruok chun, “Anih, nisienlakhawm, Pathien thu hrea zâwmhai hi mi hamṭha an ni lem,” a ta.

JOHAN 13:17

Chuong thil chu in hriet chun, thaw unla, hamṭhâng in tih.

JOHAN 14:21

Tukhawm ka thupêkhai nei a, zâwm chu a mi hmangaitu a nih; tûkhawm a mi hmangai chu, ka Pain hmangai a tih, kei khawmin ama chu hmangai ka tih, a kuomah inlâr rawp ka tih,” a ta.

EPHESI 4:29

Thu ṭhanaw hrim in bauah suok naw sien la, a ṭul zie ang peia siem ṭha dingin thu ṭha suok lem raw se, a ngaituhai dingin lunginsietna a hung ni theina dingin.

DÂN PAHNINA 29:8

An ram chu ei lâk a, Reuben mihai, Gad mihai, Manasse hnam zâtve hai hluo dingin ei pêk a.

DÂN PAHNINA 29:9

Chuongchun, in thil thaw po poa in tluongtlung pei theina dingin hi thuthlung thuhai hi pawm unla, zâwm ro.

DÂN PAHNINA 30:14

In zâwm theina dingin thu chun a hnai hle cheu a, in baua le in lungrilah a um a nih.

DÂN PAHNINA 31:11

hmun a la ruot dinga Israel mi po po Lalpa in Pathien hmaa an hung inlang pha hi dân hi Israel mi po po hrietah in tiem ding a nih.

DÂN PAHNINA 31:24

Mosiein hieng dân thuhai hi lekhabua a ziek zo a, zo hieu a hung ni chun,

DÂN PAHNINA 5:1

Chun, Mosiein Israelhai po po chu a ko khâwm a, an kuomah, “Aw Israel mihai, in inchûka in pawm dinga dânhai, thuruothai, in na hrieta vawisûna ka hril hi lo ngai ro.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhawtluongin an tluongtlung hle ding bah!

DÂN PAHNINA 5:32

Chuleiin, Lalpa in Pathienin thu a pêk cheu anga thaw dingin fîmkhur ro; changtieng amanih, vawitieng amanih in pêt ding a ni nawh.

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

JOSUA 1:7

Ka siehlaw Mosiein dân po po zâwm dinga a pêk che kha zâwm tlat dingin hrâttak le huoitakin um phawt el rawh. I fena taphawta i tluongtlung peina dingin i changtieng amanih, i vawitieng amaniah khawm pêtsan dêr naw rawh.

JOSUA 8:34

Chun, chu hnunga chun dân thu po po, malsâwmna thu le ṭawngsephurna thu chu a tiem a, dân lekhabua chuong ang po po el kha.

THUPUONGSUO 22:14

Hringna Thing chunga chun thu an nei theina ding le, kawtkhâra chun khuoa an lût theina dinga an puon sâwpfaihai chu an hamṭha.