JOSUA 1:5 - Pathien Lekhabu Inthieng (BSI)

⁵ I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâwsamtir naw ning che a, mâk khawm mâksan naw tawp ka ti che.

JOSUA 1:5 Iomraidhean Croise

INṬANNA 39:2

Lalpa chu Josef kuomah a um a; chuongchun, ama chu mi hlawtlingtak a hung ni ta a, a pu Aigupta mi ina chun a um a.

1 LALHAI 1:37

Lalpa chu ka pu lalpa kuoma hin a um hlak angin, Solomon kuoma khawm um ve pei sienla, ka pu lal David lalṭhungpha nêkin a lalṭhungpha chu sukropui lem raw se,” a ta.

1 LALHAI 11:38

Chun, thu ka pêk ang taphawt che i pawm a, ka lampuihai i hraw a, ka siehlaw David anga ka thuruothai le ka thupêkhai zâwm dinga ka mithmua thilṭha i thaw chun i kuomah um pei ka ta, David kân ngîrpêk ang khan sûngkuo nghettak inngîrpêk ka ti che a, Israelhai hi pêng ka ti che.

1 LALHAI 6:13

Chun, Israel mihai laia hin chêng ka ta, ka mi Israelhai hi thlathlam naw ning ah,” tiin.

1 LALHAI 8:57

Lalpa ei Pathien chu ei puhai kuoma a um ang khan ei kuoma hin um sienla, mi mâksanin mi thlathlam naw raw se;

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a ti a.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

JEREMIA 1:8

Anni lei chun ṭi naw la, Nang chu sanhim ding chein i kuomah ka um si a; Lalpa chun a tih,” tiin.

DANIEL 11:16

Chuongchun, ama hung rûntuhai chu a nuom nuom lo lâwng a ta, ama hmaa chun tukhawm ngîr thei naw ni hai: ram ropuia chun ngîr a ta, a kuta chun suksietna um bawk a tih.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:37

Ṭhe lo e! chuong po poa chun, a mi hmangaitu lei chun ropuitaka hnetu ei nih.

DÂN PAHNINA 20:1

“In hmêlmahai do dinga in suoka sakawrhai le tawlailîrhai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu Lalpa in Pathien chu in kuomah a um si a.

DÂN PAHNINA 20:4

nangni sandam ding cheu le, in hmêlmahai thawpêk ding cheuin in kuoma um pei chu Lalpa in Pathien a ni si a,’ ti raw se.

DÂN PAHNINA 31:23

Lalpa chun, Nun naupa, Josua chu ân fui a, “Seltak le huoitakin um rawh khai, Israel mihai chu an kuomah inkhâma ka tiem rama chun i ṭhuoi lût ding a nih; chun, i kuomah um pei ka tih,” a ti a.

DÂN PAHNINA 4:31

Lalpa in Pathien chu zângai theitak Pathien a ni si a; thlâthlam naw ni cheu a, sukbohmang naw bawk a ti cheu a, in pi le puhai kuoma inkhâma a thutiem chu theinghil naw bawk a tih.

DÂN PAHNINA 7:24

An lalhai chu in kutah pêng a ta, an hming chu vânkhuphnuoia inthawk hin in thaihmang dai ding a nih; in sukbohmang dêr chenin in hmaa ngîr thei tukhawm um hrim hrim naw ni hai.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti che a, mâksan ngai naw bawk ka ti che,” a ti si a.

JOSUA 1:17

Kawng iengkima Mosie thu kan zâwm pei hlak ang khan, i thu khawm zâwm pei kan tih. Lalpa i Pathien chu Mosie kuoma a um hlak ang khan i kuoma hin um ve phawt sienla.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

JOSUA 10:8

Chun, Lalpain Josua kuomah, “Anni chu ṭi dêr naw rawh, i kutah ka pêk vawng tah a nih; anni laia mi tukhawm i hmaah ngîr thei ding hrim hrim an um nawh,” a ti a.

JOSUA 21:44

Chun, Lalpain an thlatuhai kuoma inkhâma a lo tiem ta ang ngei khan hmun tinah muongna a pêk a, an hmêlmahai po po chu tukhawm an hmaa ṭhang thei an um naw a;

JOSUA 3:7

Chun, Lalpain Josua kuomah, “Mosie kuoma ka um ang khan, i kuoma khawm ka um ding a nih ti an hriet theina dingin, Israelhai po po mithmuah vawisûn hin ka chawimawi ṭan ding che a nih.

JOSUA 6:27

Chuongchun, Lalpa chu Josua kuoma chun a um a, a ram pumpuia chun a hming a hung inthang ta a.

RORELTUHAI 2:18

Lalpain rorêltuhai a siempêk pha chun Lalpa chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun Lalpa chun za a ngai nâwk hlak a.

RORELTUHAI 6:16

Lalpa chun a kuomah, “I kuomah ka um pei ding annâwm; chuongchun, Midianhai chu mi pakhat ang elin hne vawng el i tih,” a ti a.

1 SAMUEL 10:7

Chun, hieng inchiknahai hi i chunga a hung um pha chun thil hung umin a zir ang peiin i thaw ding a nih; Pathien chu i kuomah a um pei si a.